路段簡介
由興才街起步，緩緩登山香港三尖之一：青山。於青山頂看同時飽覽東面的屯門市，以及西面的青山腹地。
離開青山頂後，正式進入青山腹地路段，沿途碎石滿佈，需步步為營。
在地圖標示為"分叉口"的地方左轉，打算取近道往五渡水，再登花香爐。
唯分叉口的路段環境比想像中差得很，路斜又滑，多深坑碎石，懸崖邊...  總總因素導致速度大大下減，最後比原訂時間遲了二小時才抵五渡水
為安全計，決定改道以良景為終點站，待下次準備充足時，再戰花香爐。

五水：五渡水
青：青山
良：良景

長度		9    公里
需時		7     小時
難度		****
路線	興才街 > 變電站 > 青山韓陵片石亭 > 青山副峰 > ??分叉口 > 山寨版月牙谷 > 五渡水 > 良田坳 > 良景鸷
地圖                     尊重知識產權, 若有需要, 請到地政處地圖銷售處購買

進場交通
 
•青雲輕鐵站

前往登山口
 
•興才街口轉右


• 遙望青山

出發後，沿青山寺徑上山。過青山襌院後，抵一小亭。
小休一會兒，便繼續向青山前進。前行小許，會看見右手面有一座 避風亭 ，沿樓梯路上山。

行山路段

 
• 登山小路

沿樓梯路往上行，穿過電纜塔，轉入石屎斜路慢登變電站。
沿途可見屯門市中心、屯碼等地。可惜今天有煙霞，
未能飽覽黃金海岸、元朗等地，亦只隱約見到綠色三角形既兆康站。

• 第一個變電站

變電站小休，小休後沿小徑急上青山，個feel有d似黃龍坑古道, 又焗又熱，九曲十三彎。
登青山韓陵片石亭後，先行「攀上」三角網測站583個頂，食埋朱古力就落返韓陵片石亭。

• 攀上個三角網測站   ~

•日日去健身，智力都大增﹗

健完身，智力增；慢步至青山539頂定位~

• 青山腹地             雖地質上名為劣地.. 但其實ok靚 幾有特色

  還記得以前看過一半行山書藉，其中一幅相係影青山劣地。
當時我仲否認相中既地方係香港....,,,  大左先知原來香港係有d咁"核突"既地方......
或許呢d就係香港既其中一大特色啦.... =.= 

• 菠蘿山坳，我地將要挑戰既路段~

 
• 浮沙碎石路

• 侵蝕得幾型喎~
 

• 翻版月牙谷   一步一驚心
  但後尾係五渡水得知月牙谷係青山腹地有無數個,,, 但通常係指五渡水之後果個

• 行左咁耐到未到預定既五渡水，唯有食Lunch再locate下自己位置啦xD
  係千篇一律既劣地當中青山頂真係一個好好用既定點!!!!!!

落到五渡水，比預定時間遲左個半鐘，但整段行程只完成接近50%. 咁好彩遇到行山隊，問左佢地,  大概locate到自己位置. 原來我地冇行錯路，只係浮沙碎石路將我們的速度拖慢. 我地而家係青大石澗小徑交界位。後面就係月牙谷啦,,, 但可惜時間不容許我地再前行，經仔細分析及計算，決定緊急撒退... 係改終點。

改落良景邨。

• 回望五渡水

• 良田坳

過良田坳駁石屎路落良景邨

良景站真係好型~~~       同樂湖站一樣，個站係同平地同一高度

離場交通
 
• 良景輕鐵站,,  你估d人係搭輕鐵定係去良景商場???

小弟除左鐘意行山，另外都幾喜歡鐵路ge... 影下先~
搭左615P落去屯碼，原車(佢會自動改為614P線行走 / )返元朗

• 兆麟站  (後面果條藍色隔音屏障唔係朗屏站黎架,,, !!)

雖然今次未能登上花香爐，有遺憾, 但係學我既2級山藝教練講
  「行山，最緊要開心姐~~ 」行完山可以有碗b仔涼粉食，仲唔係人間一大樂事!??

相關連結
•良景至白泥 遊記
•kill標紀錄