今日真係唔打blog都唔得...

話說今日我係海邊同人講笑話
但係比個海聽到...
結果引發起海笑...
好彩今次淨係講下爛gag...
個海都係笑一笑就冇再嘯...
最後都平安無事...
我覺得自己救左呢個地球...

回歸正傳...
話說今日係安息日...
照平常都係朝早起身沖涼食早餐就要去教堂...
但當今早沖沖下涼...
uncle打比我同我講
"今日有海嘯..唔好出街...留係宿舍...11點半打到黎ga la"
"下真ga?"
"係ar...夜晚4點幾電視就已經係到講 朝早6點開始響第一個海嘯預警鍾"
收左線繼續沖
點知沖沖下真係聽到d警響...
"真係咁大獲?"
沖完出番房同房條友同我講今日唔洗去教堂海嘯打到黎....

頂...玩野...
早知訓晏d la.....
但頭已洗涼已沖,唯有落樓下睇下有咩搞la...
落到去...個個望住部電視...
十幾個人係一個廳圍住部電視
野都唔講笑都唔笑係到睇消息...
另我諗起"明日之後"
心諗"唔係咁大獲下洗唔氾汁定野走路ar?"
但見到d人都冇乜行動...
又仲有成2個鍾先黎...
冇理到...
拎埋部腦落去睇下最新消息算la...
係電視睇到d河退潮退潮退到成條河冇晒.
哥陣心諗...
"死la...就黎到la..."
去到12點都仲係咁...(預計海嘯到達時間係11點30)
心諗...
"死la...真係就黎la"
到左12點半都仲係咁...
心諗...
"死la...退左咁耐d浪都仲未沖到黎  咁一黎咪黎好大??"
到左1點...d水上番黎
心諗...
"真係黎la真係黎la"
到左2點條河邊番正常水位..
d人話已經完左...
心諗...
"人已騙 海已嘯  真係晒左我成個朝早"
真係覺得益左哥d仲去沖浪d人
咁又死唔去



04年睇到南亞海嘯d片..就已經開始諗...
唔知我遇到呢d情況可唔可以生存到呢?
黎到呢到之後.
每次去海邊都會諗下..
真係想突然有海嘯黎..
測試下自己災難反應能力

但係今日竟然驚....唉