親愛既爸爸：

老實講，你係全世界最愛我既男人，你忽然之間走左，我真係唔知點;(我係你走左之後既一兩個鐘，我係到諗：點解會甘？點解？唔係真既......眼見媽咪入黎急症室個一刻，佢已經唔係平時冷靜既佢，眼睛紅哂腫哂，一邊喊一邊摸著你個頭，而你~就已經停止左心跳同呼吸，到果一刻我見到所有黎見你最後一面既人都喊哂，三伯父、大姑媽佢地為左失去一個細佬而喊，我同呀哥為左失去一個爸爸而喊，而媽咪為左你而喊，你睇下......你既離去為幾多人帶黎難過！仲要一句都無留低，你睇下你幾衰！因為太突然啦！

你走左之後個幾日，我個心好辛苦，成日諗住你會番黎搵我嚇我，其實我好驚，但d fd話你甘愛我唔會害我，諗諗下又係喎;)回魂個日我知屋企有幾個人都訓唔著，我係到到諗到底你食得飽唔飽呢？你有無番到黎呢？過完回魂日之後，我個心定左好多，但心裡面多左既感覺係我好掛住你。

爸爸，我真係好掛住你，唔習慣6點幾你放工無人叫我拎水，無人夜晚叫我幫手搽背瘠，無人朝早見我6點半唔起身就拍我起身，無人叫我死肥妹，無人寵我，無人買電話比我，無人問我沖左涼未，無人叫我切橙、拎野食，好多習慣都要我失去哂，甘突然你叫我點接受？仲有呀！你成日都唔比我打波，我到而家至知你唔係唔比我打波，而係你想我有更多既時間留係屋企，我其實錯過左好多，上次你叫我去旅行，寧願要我miss左個文學默書請假都想0我去，而我就寧願同fd留係屋企玩都唔想去，諗番起我真係好不孝，我唔係一個稱職既女兒，真係好對唔住。但我知道我同葉晞洋幾頹幾懶都好，我地係你心目中最好最抵錫既仔女，因為我知道其實你好愛我地，媽咪成日都話你就算係罵我地，心裡面都會諗番個哄我地既方法，爸爸你真係好寵我地，電話呀電腦呀，我地一家四口，你知道我地需要咩都盡量去滿足我地，有時你係貪慕虛榮，iphone呀galaxy note啊，高科技識買唔識用，真係救命xD

你放心啦！媽咪應承左你會好好照顧我地，自你走左之後，媽咪就交比我地啦，你會永遠係我地心入面。我會比心機考好個試，之前就算你幾唔鐘意我打波都好，我已經決定左，升上中六，參加A GRAD學界打出成績！我知道你會係天堂勁望住我，我打唔好你會罵我架~所以你要睇實我，提醒我同葉晞洋唔好行差踏錯，仲有要保佑我地所有人，所有關心我地同你既人，大家都可以快樂甘生活！我會將你以前比我地既愛都會全數還比媽咪~我會全力照顧媽咪，亦都將我地對你既我送比媽咪，我要佢幸福快樂！呢個係我最後最堅決唯一一定會做到既承諾~我應承你;)

我地一家一定會係天堂相見，只係你快過我地炸嘛！再見，爸爸，一路順風，我愛你<3

最愛你既女兒    17歲既葉敏思上  8-9-2012

媽咪、呀哥、萍姨姨、周姨姨、細姑媽細姑丈、我同你，終有一日會再同木台食飯;)