【這篇文章是與shu uemura合作】
圖中既就係shu uemura最新既新lightbulb白瓷光感粉底液&lightbulb化妝綿~
lightbulb白瓷光感粉底液(27ml) + lightbulb化妝綿   (HK$400/套)
當收到呢個粉底液係極開心，因為我都有用過shu uemura其他粉底液，印象中好好用~
而附送既lightbulb化妝綿外型可愛，所以收到物日已經急不及待試下呢支新產品^^

呢支lightbulb白瓷光感粉底液最大既賣點就係佢用左多源光感科技~
可以融合不同方向的光折射效果，為素肌添上仿如鏡面反射的柔光效果，係任何角度下均綻放自然亮澤~
新配方含高濃度天然夏威夷果油，光折射效果更佳、更貼面的油份子帶來更長效的光澤。
水感配方，12小時持久保濕 ，有專業貼膚配方，高度遮瑕，同時與肌膚自然融合，持久貼服~!
仲一共有14種色調，配合亞洲女性膚色既需要~

BA小姐幫我揀左呢支774，象牙色系入面算比較白既一支，但效果好自然ga^^
粉底液質地係非常水潤，一d都唔乾，好易推開，有淡淡既香味~
有一點要注意既係呢支粉底液係冇防曬度既，用之前記得要好好做好防曬功夫呀~

除左粉底液，我相信附送既lightbulb化妝綿都係另一賣點呀~~~
lightbulb化妝綿係由植村秀全球首席彩妝師淺野裕司設計ga，以人手加工製成~
而且特別調配的NBR物料，所以lightbulb化妝綿的密度較一般海綿高，唔會倒吸粉底液造成浪費~
加上海綿具抗菌功能，衛生耐用，兼具防UV保護功能，而又保持柔軟質感，帶來舒適享受。

lightbulb化妝綿用法都好簡單，我習慣先將粉底液點上面部各位置~
之後用圓頭設計既一端輕印面龐，可以增強面頰、額頭、鼻子和下頷等大範圍的底妝光澤~
跟住用另一端尖頭設計經為眼角、鼻側和唇角等部位精確地控制底妝~
如果你唔想個鼻位移額頭太有光澤好似成面油咁，仲可以用尖頭設計果面輕印幾下~
因為尖頭設計果面仲有特別塗層加工，可吸收多餘粉底，輕鬆調節肌膚光感ga^^

如果你唔係有好大既瑕疵，基本上搽完呢個粉底液一般既皮膚泛紅、暗淡已然遮得七七八八~
黑眼圈touchwood黎講我本身都唔算好勁所以搽粉底液後效果都已經可以~
但一d較深色既暗瘡印就要再加返d遮瑕膏就比較好啦~
最後再用碎粉薄薄咁掃一層上去定妝就可以啦^^

只要簡單咁搽上base、粉底液，用碎粉定妝，面上既瑕疵已經唔見左8成~
值得一讚係ba小姐為我揀既粉底色號非常似我原來既膚色，簡直二合為一咁，好厲害呀!!
一個自然水感亮澤既底妝已經完成左，當然加返小小彩妝就更加完美啦^^

係自然光下，光澤感就更加突出~塊面就好似自己識發光咁!!
自然、皮膚健康既光芒，真係連自己都忍唔住望多幾眼^^
整體效果我都好滿意，係但有一點應該係個人問題，用佢之前我就一定要用base~如果唔係比較易溶妝~
但我化妝前點都會用base同防曬既，所以對我黎講其實都唔係好大影響~哈哈
lightbulb白瓷光感粉底液9月就會推2啦，有興趣既朋友記得要留意呀!!
LAUNCH DATE: 2 September 2013 AT ALL shu uemura SHOPS

【產品由shu uemura提供】