今日唸住放工之後返屋企有得上日誌，點知日誌有工程要進行，所以我都等唔到去左訓覺，訓到11點就起身換衫，
出發去荃灣唱K，第一站去大河道M記等朋友，當大家都到齊就傾下邊到食飯，最後決定去「吉野家」食午飯，
食左無幾耐，我同班既同學今日要去考電工，所以岩岩考完就黎「吉野家」食飯，之後我都同佢地傾多幾句，
又唔好意思同班女仔一齊走，所以佢地走先係出面等，我就打後先走，我都好無奈見到班同學出現，
之後再去GreenBox睇下有冇房可以唱，點知一去到話有房唱得啦，真係快！
佢地就點左好多歌唱，有時我就伴住佢地唱，不過我好眼訓，就訓訓一陣，再唱落去，唱到一首叫做「逼得寵物太緊」，
唱到一個高音位，我就唔知咩事好似開左聲咁，唱到D唔知係唔係高音既聲，我都唔知咩事，下次唱果時又試多次，嘿嘿。
走果時，佢地同朋友返學校，我都唔去啦！夜D要返工，要係屋企休息返，回一回精神先得。
|
