今日返左學校考物理，返到原校好似返左主場咁，有主場之利，無可能啦。

我物理咁差有主場都無用呀。

返到學校見到，雪、美、晞、碧、君、琪…好多好多人喔，

見大家咁支持我，我一定盡力做好每一題，

到左8點各同學都返入隊伍內，而我地會考生就去到有蓋操場集合，

差唔多8點15分先入場準備考物理卷一，

入到場見到余SIR做監考員，心情好似輕鬆左少少，

不過輕鬆要完啦，要開始考啦，加油寫呀寫呀，

差唔多最後15分鐘，大家仲未做完，我都要係到寫埋最後一題，

得返3分鐘先做完，之後收卷，咁岩D時間又係學校小息，

又可以見下D同學先，不過見到只係得3分鐘，因為佢地既小息時間到，

得返D會考生係到傾下計，之後再考埋物理卷二(多項選擇題)，

如果唔識做，我會亂填，不過有少少都會識做既，

所以，好快做完就訓左係到，等時間過，等到收卷啦。

可以去打機囉，不過得我一個去打，碧 仲係到上緊堂，嗚嗚。