今日去考中文口試囉，我提早出門口去同學屋企係打陣機，
之後6點先去間應考場地，見到好多人已經到左，
我同另一個同學被叫出黎，安排到另一個報到室到應考，
唔知點解係我，而唔係其他人呢?
嘩，見到個朗讀，有幾隻字都唔識讀，都係半放棄狀態，
考埋個小組討論，全男班，5個男仔係坐位到講，
問題：「要為新街道命名，你要討論5個準則出黎。」
問題大約就係咁啦，5個準則，好似好易，我就唸到4個，
不過我只講左一個，其他果d被其他人講左囉，
所以我發言次數係一次，都係被5號同學問我有冇意見，
我先講到，唉，都係最低分果個啦，而坐姿無大問題，
係其他人發言多，坐姿馬馬地，小動作都有少少既。
一考完就返屋企，返到去都成10點，
原來考口試係要咁耐既，好肚餓，
餓住個肚返屋企，之後個英文口試都係唔好去啦，
還店都係唔知佢問乜，睇下其他成績點啦。
|
