剛踏入十二月，

除了想到聖誕節之外，

當然就係考試ｌａ，

唉！！考試，

啱啱開學兩三個月就要考試，

雖然係意料中o既事，

但係好似來得好突然，

唔係好夠時間準備．．．．．．

雖然差唔多日日都有溫書，

但總係覺得溫唔夠．．．

星期五就要考ｌａ，

第一科係數學同中史，

最近頻頻計數，

差都差有個譜掛，

中史？絕對唔可以低，

吸取上一次o既經驗，

事實證明，一定唔可以靠老師，

事關佢偏心B班，

所以一定要靠自己！！

唔講ｌａ！！要溫書ｌａ！！

今日係學校o既陸運會，

今朝(6:15)就起左身，

趕著去搭地鐵..

去到運動場就開始點名，

點完名就分社坐，

我個班得兩個女仔係同一社．_．

不過都有同鄰班個D人熟 o既!!

因為個日我無比賽，

所以成日坐左響看台度...

好悶呀!.....!

因為有個同學有帶書去溫，

所以就溫埋一份lo~~

都就黎考試la~

遲D都要溫架la..

早D溫好D......

到星期五我就有推鉛球比賽，

其實都只係求其玩下炸...

應該唔使成日坐響看台度咁悶嘛!!

唔講la~ 要溫科學既測驗la~~

886~~

今日我地學校去北潭涌旅行呀~~

最初我都好期待架，

但係一去到，

無位不特止，仲要坐在垃圾桶旁邊，

當然無人肯la~

安排好所有野就開始BBQ la~

天氣好熱，愈燒愈熱....

燒到無引，下年都係野餐好Ｄ

經濟又實惠．．．．

自從學校開始左課外活動個個禮拜之後，

我每一日都好忙~~

---------------------

星期一要去VA 學會-------- 

[都好既!!做D野都幾好玩~]

最得閑就係星期二，

唔使放晏>v<~~

星期三要上英語提升班......

[雖然只得8堂，但係超悶，有香口膠都無用， 唉!! ~o~]

星期四要上 P.A.T.H........

[無的選擇，有得選擇我寧願唔上~~]

星期五要去香港青年獎勵計劃 {AYP} ，

[聽聞有得食，有得玩，幾好喎!!當係週末relex下 o羅 !!!]

星期六早上要返學校上英文拔尖補底班.....

[同英語提升班一樣咁悶，教  o既野都係學校個本TSA 一樣的... ]

下午要返民安隊......-_- ~~

星期日係一個週末的休息日~~

都唔係休息得幾多.....

仲未溫書喎~~~

唉~~ 一星期多幾日假就好la~~~~

今日D時間好似好趕咁~~

早上的小息就走左去圖書館print VA  D標語@ _ @ 

print 完標語仲要print 新聞分析

好彩有個同學話佢print 多左張.....

佢話可以俾我喎!!!

好彩有佢炸!!!如果唔係呀就遲左上下一堂!!

真係好多謝你呀 *u* 

--------------------------------------

今日我個frined 無端端問我:

  「你係唔係在英文小學畢業架??」

我好奇地問:

  「點解咁問呀??」

佢話:

  「你成日講野都好似中英夾雜......」

我話:

    「係咩???」

搞到我勁無奈......

[其實可能係上網打blog 同MSN的時候懶掛，難打的字多數都用英文打，習慣成自然嘛!!!]