唔知倏乜,部電話好似神咗...-3-

成日無啦啦打比人,自己都唔知...

今日朝早冇咩好做...

洗咗個靚頭~D頭髮'攣'咗...

就Hea咗成個朝早...

下晝,

MC 又Call我啦~

又係講翻D嘢...叫我叫D人準時翻教會...

3點,藝姐Send 咗個SMS比我,

叫我去M記溫書...就出咗去...

死瑩又遲到....-3-

去到M記就3點半啦...

坐咗一陣,冧住買嘢食...又唔肯夾錢...

就走翻教會...

嘉敏唔舒服,冇翻...

啊高又話考試要溫書,又唔翻...

靜怡電話又打唔通...

得翻我哋三個人...

藝姐去咗飲TeaPlus,

我同啊瑩先翻...點知學校閂咗門...冇雪糕桶...

我哋以為真係閂咗冇開...係門口企咗幾分鐘...

等咗一陣,黃先生出黎開門比我哋,

原來道門係冇閂架...我頂...

係門口等藝姐...特登閂門,唔比佢入...哈~

佢入咗黎之後,係度等MC同啊羊...

等咗好耐,都冇人...

得一個堅中F.4嘅哥哥翻堅小打波...

走咗去睇展板...見到藝姐上咗鏡,

仲做咗個好樣衰嘅動作...笑咗出黎...

仲影低咗....

上咗去2樓,問啊媽,MC姐姐同啊羊翻咗未...MC一早就翻咗架啦~

係二樓睇D師弟師妹哋整D壁報...

又睇到D爆笑嘢...又影低...

上咗三樓,MC今次帶崇拜啊~

啊羊黎咗...唔見咗田雞...

我都估到佢唔會翻架啦~

我都知我好勁~

唱詩...MC唱歌好好聽啊~

唱完就分組...平時十個人,今日得翻六個人...

輪流讀經,君姐話啊羊攰,叫佢讀先...

唔知佢做乜咁攰呢...

心都痛埋....

睇到本聖經有'亞歷山大'四個字...

就冧起佢...笑咗出黎...班人以為我傻咗...

我讀到果度,真係忍唔到..大笑...

到藝姐讀..佢又唔知笑D咩嘢...

我同啊羊都望住佢...

嘻嘻...

點知我同啊羊對望咗一吓...嘻嘻..

發春啦...發春啦...

仲望咗兩次...嘻嘻...

中間,藝姐提起中學D新同學...

佢哋都唔識...君姐就話要識佢哋多D

完咗..藝姐同啊瑩出咗去...

得翻我,MC,君姐,啊羊同小孫...

我坐咗係度Send SMS比乸型...Send完就走...

MC姐姐就攔住我問我去邊,叫我快D翻屋企溫書...

我就話去M記...

出咗房,見唔到佢哋,就係度等...

哈~

啊羊同我講嘢啊~

超開心...

佢話唔好係FB度洗佢版...唔明...

等唔到佢哋...

MC,小孫出咗黎,啊羊都出咗...MC拉咗我走...

我行最後,啊羊第三,佢哋係前邊...

啊羊又同我講...

佢話佢有一件好似我件衫嘅衫...

不過係黃色嘅....哈哈~

落到地下,MC同小孫入咗校務處,

啊羊就同佢哋講拜拜,我都同佢哋講拜拜

啊羊就以為我同佢講拜拜

佢就同我講拜拜...

我又同佢講拜拜~

其實我一路都係佢後面....

佢拎翻轉頭,見到我...

佢就同我HI~講完又拜拜~

最後我都同佢講咗聲拜拜...

佢就走咗...

我就打比藝姐,原來佢哋係上面等lift

佢哋落咗黎....

又去睇翻藝姐幅核突相...

叫埋乸型,去咗M記...

佢問我有幾個人,我話得三個...

佢就行黎M記,

係佢以龜速行緊黎果時,

其實教會D人好多都黎晒~

啊媽Sir,君姐,MC,小孫...好多人都黎晒...

仲坐我哋隔離..哈哈...

乸型黎到,佢囧咗...

D人全部都唔識...

佢睥住我走咗過黎...

咩喎..

咁人哋啱先真係得三個人架嘛...-3-

MC係君姐隔離講...果個咪就係乸型囉...

君姐就話...啊乸型哥哥,你好啊...

跟住乸型就答:你好...

埸面超爆笑...

MC食緊番薯批,好似好正...

佢比咗一舊仔我哋...真係好正~

食完就走,我哋同D人講拜拜

啊媽拜拜,君姐拜拜,MC拜拜...

乸型又跟住講拜拜..又係爆笑...

去買餸...上公園傾計...7點走..

翻到屋企比啊爸話...話我咁夜先翻屋企...-3-

家姐去咗溫書...8點幾先翻...

翻到黎,佢一邊織頸巾一邊同我講心事...

又話SHY2有條友唔好,又話佢張飯票同佢告白,不過我唔鐘意佢~~

哈~

唔知幾時先有飯票同我告白呢...幻想中....