考完final!!..哈哈..其實都冇乜感覺...考完alevel...上左大學...

都唔緊張d 分啦...有d test 出左分都冇心睇...哈....

諗住語精有distinction...今次冇啦...死左...呵呵...

開始放20 十既X'MAS...但學生會好多野做..!!!要努力..!

早幾日學生會一齊唱K....真係好正...哈哈

阿包唱歌好好聽呀...好似謝安琪...-0-...超勁...

好彩我都有一句似敬騰...真係正...哈...

我要好好享受大學生活...中大...真好...!!!一切都很美...!

前晚訓唔著...係床度諗左好多野...

其中一樣係自殺既問題...當然唔係我...

而係自殺者究竟係諗緊乜野...我嘗試企係佢地既角度諗...

就作左以下一首詩...

只要把我肩膀拍...便知我非想自殺...

只是情緒心內壓...有誰願聽我獨白?

死後天堂可到達?天意人生皆難測...

吐露我心聲...沒法...美麗這風景...抹殺...

自殺的中大醫科生...你係咪將所有野都量化左...?

咁樣做人會好辛苦ga...何必好高望遠...何必...

我明白...社會對人所施既壓力係非比尋常既...

考左3科啦final...不過...呵呵...算啦...ce 同al 仲博唔夠咩??

我唔要再後悔白白過左幾年...珍惜校園生活...

雖然好多中大人都覺得讀好書先最重要...我以前都咁諗...

但慢慢覺得...呢種諗法係被洗腦...

我覺得歸屬感既建立比一切都重要...

知識係冇窮冇盡...為左知識或者分數而浪費光陰...不值得...

也許好多人都唔會明白...甚至覺得呢種諗法好唔上進...

但係...幾年後或者幾十年後既佢地就會明白我講緊乜...

見到好多人都好功利讀書...真係唔知為乜...

咁既生活...就算比我第2時搵十萬八萬一個月...我都唔要...

精神上既滿足...一定比物質優勝....

今日書通既一題卓越與平庸好有意思...諗返個lecture...

亦係咁多個之中最有啟發性...好多人一定唔覺....

崇基學生會終於有名....崇諾...唔錯呀...!

開會開左成4個鐘...但好享受開會既時間...

因為我真係好中意serve 人...好想有貢獻...!!

我依家對中大好有歸屬感...中大真係超好...!!!

今日一年一度既校友重聚日呀...好開心呀...返到田家炳...

可以見返d 老師同同學...好掛住中學生活...!!

打排球...籃球...吹水...仲有同miss wong lai han 食飯...!!

係街市食...講左好多佢既野比我地聽...

真係有好serious 既野...你真係好信得過我地...

我地同佢感情係最好的...!!有時有事先搵佢...覺得好衰...!

以後要gather 多d...我仲約佢summer去大尾督撐艇仔...!!

講左好多好笑野...!!8 掛野...都係個幾個人啦...哈哈...

大家都好開心呀...!!!包括 miss wong...=.=...

最後佢爭住請我地食野...真係好好人呀...miss wong...

仲記得f.5 x'mas 歌唱比唱個句肉麻野...!!!>>"媽咪...我...愛...係..."...

同埋f.5 last day 我地留到好夜既真情剖白!!佢都仲記得...

真係太好.......一切都太好啦......

miss wong就左我地去左rainbow 食糖水....12點幾返到hm...

幾日冇打日記啦...

早幾日上左烽火台...因為學校要拆佢黎起underground library...

好多學生係度聽...300人都有...又有記者...

黃毓民都黎左...話撐中大學生....

點知佢講左10分鐘野...7分鐘係講點解佢做中大校董...真o 咀...

好多人係咁插劉遵儀...有個政政人仲送左個~"膠樽義"務回收計劃~既箱上台...

真係勁...-0-...不過認真d 講...校方真係做得唔岩...又唔咨詢...又死撐...

grad左幾十年既校友都返黎關心呢件事,,,,

 新界喇沙個校長周錫輝都返左黎...睇落去真係唔知佢係校長...講左好多野...

中大既抗爭精神...突然感動左我tim...個一刻我感受到大學生既價值...

咁快就一個sem 啦...考final 啦....sem 2 有得入宿...!!!好野...

可以識多d 人...玩多d!! 唔想大學生活過得咁快呀..!!!

可唔可以轉做5年制...呵呵...!!

聽日校友重聚日...返去聚下先..!!!!!!!!!!