o岩o岩日記改左歌...(又係日文歌一首)

好唔好聽呀????(個人認為幾好聽嫁)

今朝畫左幅畫...上左色

總有昨晚都畫左幅

想睇就去相簿到睇啦~~

因為我懶呀...廢事又貼上尼..

相簿到新增左本相冊...

歡迎上去欣賞下啦!!

日記改左名啦....叫

•˙。To-ForGet。˙•

今日...考果中文既口試呀=0=

1A同1B上學生活動中心考個人短講..

好彩唔係1A班先考姐....

題目係如果有時光隧道既話...你會想同邊個歷史人物講野??

我講左耶穌呀...(我腦袋一片空白...只唸到耶穌)

放學之後又要練歌...練到成七點(搞到我對腳又痛又累)

因為聽日是畢業禮(其實都唔係幾關我事既)

但係我係合唱團嘛....所以....唉.....要去哦T.T

跟住翻到屋企又要等阿爸返尼先食得飯

...依家阿爸總未返尼..(咕...嚕..好餓)

今日7點半起身返學........嗚~~好凍呀............

上完早會之後上科學堂

再跟住中史堂...(測驗呀..死啦..未溫..份卷都有d唔識)

上完英文同數學堂之後食Lunch

跟住1點3去合唱團練習.....

閱讀課之後係聖經堂

(好彩老師無返姐....功課未做)

最後係聯課(漫畫創作班)...

成堂係到畫畫....畫到爆無聊!!!

放學啦...同黃淑梅去錦繡市中心買野食.......

之後返學校等埋楊畔卿(佢要補習)一齊行返屋企...