第二日，我地6:40(?)就起身，雖然我仲係好想睡覺…zZZ…但係為左唔超過教練要我地食早餐既時間(8:15)，所以都要爬起身…(唉…)，集合時，我地班因為冇精神，所以比教練罰做體能，其他班都睇住我地做……當時真係覺得好醜怪…好想撞牆……做完之後，我地入去食早餐，55555~~~好香呀~~，而且還有方海寧最鍾意食既燒賣，^^，這一餐比上一餐好好多，昨天的晚餐的酸瓜真係好難食…D教練又要我地清左所有野食…好彩我地個台有袁世豪……食完之後，我地開始玩第一個遊戲-----過懸崖運炸彈。
我地係籃球場，D教練先在籃球架上縳了一條到地既繩，而遊戲規則就係要我地所有人在20分鐘內，全部用繩晃過去對面崖(不可以跳過去)，還要運一桶"炸藥"過去(即係一桶水…)，中途唔可以有一滴水漏出來，否則所有過到對岸的人都要回來這邊，從新開始，不過佢會給我們一條繩，用途不限。我地剛開始時，情況不太好，因為我地花左6分幾鐘去將兩條繩繞左一起，做出一個腳踏，不過做完後，我們一分鐘就運了5、6個人過去，連教練都讚我地，但係我地竟然興奮到唔記得要運炸藥！當我地記得個陣，已經運左十幾個人到對岸…我地都好懊惱……之後，我地就派左蘇蘇去運水，佢都好驚，但係又冇辦法，只好硬住頭皮上去，不過佢真係好勁，抓住條繩，係崖中間，接過水，再運到對岸的同學手上…不過無奈陳凱接的手不小心震了震……水，漏左出黎，所有人，要返過去…我地全班都好失望…而教練就罰我地要躺在地上說"我死啦~~"，當我地全班再起身，時間只剩下……9分幾秒……教練話如果我地再漏多一次水，這次遊戲就一定會失敗，而且，還要受罰，我聽完之後，心都涼了一大半，要罰？
不過其中一個教練好好人，告訴我地一個運水的方法，就係首先運左兩個人過去然後由此岸的人將水伸過去，由那岸的人接，結果……真係成功啦~~我地都好開心！然係我地就更加快腳步，運人過去。其實，係之前，我都被人運過過去，但到了中間踏腳的繩鬆開左，我就跌左落地，所以當第二次再上去，我真係有D驚…不過大家都好齊心咁叫我加油！我好感動~~><~~，終於，我都安全運左過去，不過途中都差D晃回去…好彩D同學用力拿住繩子，我才可以順利過到！真係好感謝你地！之後，大家都逐一過來對岸，不過到左袁世豪，就出左"少少"問題…因為可能佢太"瘦"…以致佢隻腳穿不到腳踏…所以…佢總共死左起碼四次…不過最後，佢都係過到黎(呼…好彩…)，當最後一個人過到來對岸，大家都歡呼起來，因為…我地成功啦~~最後完成時間：19分…09秒！(Oh~Yeah!)大家都擁抱在一起，最後，就連何sir都被我地成功運來啦~~^^，當時我真係覺得，2E班真係所有問題都冇，大家都一樣咁團結，冇事可以難到我地！
食完午餐(不過因為我地食飯時唱校歌唔夠大聲，所以就要出去曬太陽，然後就淋水，仲要我地互打臉，練到夠大聲為止…)，我地就開始今日第二個活動----石澗行！其實係之前，我都有試過跟人去玩，不過都係玩得半過鐘就走，所以這次石澗行我真的很期待，而且重可以同成班一齊去，真係好興奮！不過，興奮唔夠半個鐘，教練就話我地唔齊心，未準備好，所以
2C就早我地一步出發……不過好彩，當我地終於排好兩條隊伍，可以出發時，2D班都未走得…= =…我地一路行，一路叫住2E班口號。到左石澗入口，我地隱隱約約聽到
2C班的叫聲，大家都好開心，因為證明
2C唔係行得好遠，我地仲可以追！
不過入去之前，教練就對我地從新講左一次規則，和進去後可能會有的危險，當我地入去之後，大家都叫住口號( 加油！加油！…)，爬左一陣，就見到
2C班比教練叫停，而且要佢地檢討一下自己，我心中一陣竊喜，並爬得更快，但係，當我地全部人爬到
2C下少少的地方，教練就要我地停下，反省一下剛才我們的舉動：大家都只係顧住自己，睇到其他人爬唔到又唔去幫一幫佢，叫就叫得大聲，但係只係空口說白話，邊個真係有幫過人？而且口號講黎講去都係得個個，要有D新意，就係教練說話其間，
2C又開始走，而且…我重好似聽到2D班的叫聲……真係內憂外患呀…不過教練講多左一陣，又開始繼續行啦~~
但係我地一路行，第一個考驗就黎到…一面呈70度角(我猜的…但係佢致少都有45度…不過70度好似同45度差好多…？)的斜坡就在我們面前…我地首先上左一D人，叫佢地幫其他人上去，不過當我上去時，我係上唔到……T.T…因為我背住一個裝左7個人的水樽，外加三件長袖毛衣的背包(其中有一件超~~級厚，放唔到落個背包裡面，所以只好紮係背包外的帶上)……而且方海寧係黎的路上已經背左，所以係開始爬石澗時，背包就給我背…PS.我地係要輪流背，但係唔知點解好似只係得我地兩個人背…(因為林瑞活佢隻腳唔係好舒服，所以唔可以比佢…而王穎琛就係太細粒，背包都係佢身高既三分之二，我驚佢背左個背包，未行就已經跌返落去……)…所以我其實係之前都係好辛苦咁，猛拉猛扯先可以將佢帶到上黎……
最後…陳凱(應該…)睇唔過眼，就幫我背左個背包…而我就好順利(？)咁上左去斜坡上面，不過當我睇到陳凱爬上黎個樣…有D良心不安(心裡的惡魔：有人幫你喎，當然就係洗得就洗啦…天使：你要快D多謝人啦~人地咁好心幫你拎上黎…)…不過當佢爬到上黎，我都係自己拎番個背包…= ="…之後我地班一路行，就一路叫住口號(新加左 Hip Hip~Herry~~!)…好快，我地又見番
2C班，原來佢地又比人罰停，我地班就在他們身邊經過，睇到佢地都好想行，但係又唔可以行個樣，真係好爽！(-----一定係惡魔作怪…)…我地一路行一路行，速度遠遠超過其他班！而且，我發現，經過教練的一番"感人肺腑"之言，同學們都有互相幫助，而葉家志尤其出眾，一路上不斷出手幫人，又提醒其他人哪兒有危險，真係好好好~~人！(事後聽到一個同學甲說：佢今次真係好MAN呀~~如果佢再高D，或者我已經鍾意左佢……= = 先此聲明，這個花痴絕對不是我！)
在經過許許多多的小/大石頭、小/大水池之後…第二個考驗黎啦~~(噹噹噹~~)就係……要爬過一個又高又大的石頭！(石頭好似有一個人咁高…而且我冇記錯的話，那塊石係得好少凸位，根本係爬唔到…)我地最後決定，係用鼻點波仔既方法，將人一個個咁托上去，不過唯一唔同就係上面會有人幫手扯你上去，不過我地係這個地方浪費左好多時間，因為真係好難抬，而且石下的位置不大，其他位置都係水，地方只夠站六、七個人，其他人都要係另一塊石上等待…最後，我地都聽到其他班追上來的叫聲，而我們還有六、七個人在下面，情況真的很不樂觀，而且，我還有個大背包…雖然陳凱都有問我要唔要幫手，但係我覺得自己既野都係應該由自己背，所以就婉拒左佢……到最後，大家終於全部都上來，我地又繼續出發，雖然我地都聽到其他班的叫喊聲，但係我諗佢地要過剛才的大石，應該都要一段長時間吧？所以都唔會咁快追到上黎……而事實證明，我是對的，因為當我地經過幾過彎之後，已經聽唔到佢地既叫聲……所以我地都更加賣力咁叫加油。
第三個考驗，就係游繩過湖，首先，何sir叫左D"猛男"去對岸…(係湖旁邊有一條安全通道，可以行上去)…而要的設備教練們一早就放好，我地這邊首先派葉家志同張禮賢去試玩，教練亦都用佢地做人板，教我地點用頭盔和安全帶，係所有事情都交代好之後，就開始試玩啦~~教練對對岸大喊"收繩"！(當然我地都有叫啦~)而之前去對岸既猛男就拉緊條"游繩"，待繩子完全變直後，教練將繩上的扣扣在葉家志的安全繩上，然後叫佢將腳交叉圈住條繩，避免點到湖水，葉家志點點頭，就開始出發，我地這邊的人個個都幫佢加油打氣，因為佢係第一個過去的人，我地都好緊張，而佢都不負眾望，不斷地用手拉住條繩，拉自己去對岸，終於，佢成功左啦！大家都好興奮，不斷叫第二個人----張禮賢上去，不過佢拉到湖的一半時，D教練就開始露出惡魔本色，猛搖條繩！而且，對岸的猛男好似鬆懈左D，條繩越來越下，所以佢到最後……都冇事…咁平安去到對岸。
之後陸陸續續，D人都一個個咁去到對岸，不過大約過左九、十個人，教練就話時間所限，最多只可以玩多三個人，聽到這個消息，有D人就鬆左一口氣，有D人就一臉不滿，亦都有D人想拿到那三個名額，而我，就係這幾個人當中的一個啦~~其實我自己都唔知好唔好去玩，因為我真係有D怕，萬一跌左落水…但係又唔想唔玩，因為這個是一次難得的經驗呀，錯過就冇第二次啦~~就在我的心裡天人交戰時，唔知邊個就提意猜包剪揍，於是我地就猜，最後我係輸左，但係我心裡面好似鬆左一口氣……
當我去到對岸，竟然見到其他班已經追到上黎，坐左係度聽教練講解安全繩、安全帶的用法，不過我唔擔心佢地會追過我地，因為我地就快就完成啦，而佢地先剛開始，於是我就哼着歌，過去幫D猛男手，一齊扯住條繩子，過左一陣，所有人都過左黎，而何sir都好似玩過，但係因為我係後面拉繩，所以見唔到何sir過湖時的情況…T.T
然之後，我地又出發，繼續走，途中方海寧曾經都幫我背過背包，不過最後都係我背返……= ="我地一直爬，終於又到左第四個考驗，那兒有一個小形瀑布，雖然是小形，但係瀑布前連接住一個大水池，池水黃黃的、綠綠的，還有些地方是藍色的，很漂亮…但係就睇唔到水深……而且，水池中沒有可供走過的石頭，所以…我們只好跟住水池旁的石壁爬過去，雖然，壁上有條粗繩，可以比我地拎住，但係石壁真的沒有任何小平地可以走，而且又沒有安全繩，腳下就只有水，所以大家都好驚，不過當第一個人過到去之後，其他人都跟住接二連三咁爬過去，而我過個陣，我前面個個踩邊我就踩邊，而且我又死命咁抓住條繩，不過最後，我過左去之後，就發覺其實這個石壁都唔係咁恐怖……
過左石壁，我地又要再玩多次用鼻點波仔遊戲，不過今次石頭的高度上升到一個人加一人半高，而且下面就是剛才的瀑布，不過我地有左之前既經驗，所以這次都係有驚無險，不過，當我上到去時，竟發現一個女同學(姓名就唔講啦~~)拎左塊鏡出黎係度扮靚、整頭髮，嘩~~~我真係好驚訝，行石澗竟然重可以扮靚，佢真係好勁…不過後來，教練睇到就叫佢收番塊鏡，於是佢就好唔好意思咁收好佢……不過此事只係個插曲，大家都冇放係心度，一齊幫手加油，而勞婌雯就諗到一個新口號，我地大家聽完都笑左出黎，決定用係魚蛋標身上，當魚蛋標上到黎，我地就突然間大喊：魚蛋標呀魚蛋標，你最勁呀你最勁！Yeah~~當場，佢目瞪口呆咁望住我地，我真係覺得好好笑…好似獎門人個首食辣辣壽司的歌……哈哈哈……
最後，當我地行行行，經過一個地洞，又經過幾個大石，終點……終於到啦！！(Oh Yeah~~ ^^v)，我地係第一班去到終點！大家都好興奮，一股作氣咁衝上去，然後爬上去行人路。終於…都到左！那時，我的心情是無法形容，就好似電視上的廣告："登上玉珠峰"一樣，我地都登上左這個唔知叫咩名既山……腰，雖然只係山腰，但係真係好開心，我地大家一齊對住個海大喊大叫！好開心…真係好開心，然後，我地係上面影左幾幅相，就要落山，因為個天就黑，我地要快D返去……
係回程，我將個背包比左陳凱，一D良心不安都冇…(原來佢竟然偷偷地將水樽都放左係個背包裡面！等我仲因為佢係冇義務幫我，我唔好意思比佢背，點知我背多左佢個水樽呀~~~我蠢左……T.T…)…但係一路行落去，個天就越黎越黑，到最後教練都要我地拎電筒出黎，但係我竟然冇帶…當經過一個黑漆漆的樹洞時，真係好驚……不過好彩，林瑞活同我一齊行，而魚蛋標同方嘉浚又有電筒，所以都冇事…最後，我地經過左一條村(天已經完全黑…但係都睇唔到星星 T.T)，就返到去大馬路……我真係第一次睇到個營地係咁開心…我個陣真係好想返房訓…zZZ，但係一諗到一陣又要夜行，我就完全冇睡意，雖然我唔算好驚，但係經過今次石澗行，我真係覺得D教練咩事都做得出…心寒啊~~~~= ="
食完晚飯，我地又玩多次Disco(勁HiGh呀~~)，當玩到十點幾…教練，改變音樂…變左…幽靈聲……我地全部人都靜左落黎，安靜咁聽教練講夜行手則，講下講下，就唔知點解講到鬼故…我地成班人都好驚…不過可能YWCA係屬於基督教，所以話如果我地念多幾次天主經會比較安全，唔容易見到”個D野” …我地大部人都唔識念，所以識念個D人就帶住D唔識既人念，現場一片寧靜…寧靜…只係聽到D幽靈歌…係行夜行，我就同左方海寧、林瑞活、飯小琳、梁穎緣、黃穎琛……八個人一組，方海寧係第一個，而我就係第二個，我當時真係覺得方海寧好勇啊~~我地一組組咁排隊坐好，聽教練繼續講鬼故，之係，佢就出左D題目，答先個兩組就可以行先，因為行先會好D…我地組就係因為對教練奉上一包名貴的……Tempo紙巾，所以就有幸成為第三隊行的隊伍……
當教練話我地可以行，我地就齊齊起身，手拖手，一邊行一邊唱住校歌，而頭尾兩個同學都手拎瑩光捧(頭：綠色、尾：黃色) ，我地出左禮堂，一路行一路行，沿路都係黑黑的…真係好驚，我後面個王穎琛就係咁死命抓住我隻手，真係好痛呀，而且重有手汗…不過行左一陣，我地就好似聽到係面有人叫我地，我地都僵左個身，你眼望我眼，慢慢咁轉過身…就見到一個女教練追住我地，一邊大喊：你地行錯路啦~~ = =” 當時我真係覺得好”魚”… 最後我地就死死氣咁跟住個女教練走出大門，去到馬路既另一邊，個度係個郊野公園，遠處我地就見到好多唔同顏色既瑩光捧，不過全部都係帶我地越行越入……
我地一邊大聲唱住校歌，一邊入去這個未知領域，一路行、一路行……我都捉緊方海寧隻手，但係都係好驚…唱到D校歌聲到震…而方海寧就不斷行，但係後面就成日都要我地等佢，因為佢地行得唔快…時間過得好慢好慢……我地一路行，但係都好似永遠都行唔完…途中，我竟然見到陳凱個頭！當場就嚇到我尖叫左聲…然後先發現，原來係一塊突別大既枯葉…突然，我地聽到係面隱約有人唱跟校歌，我估應該係第四組黎，所以校歌就唱得越黎越大聲，想比佢地知道我地係邊，但就係佢地離到我地好近的地方，一個教練就伸左個頭過黎講：唔準一齊行，你地第三組快D行先，第四組係度等陣！我即刻成個人漏氣…於是就繼續行……
又唔知過左幾耐，我地好似行番出黎，因為我地見番條大馬路啦~~而且重好似見到一個人影坐左係度，望住我地，但係我地因為唔知點行，所以就對個人影大喊：靚仔教練！靚仔教練！靚仔…但係個人影都係唔動，就係我地開始懷疑個個係咪鬼影個陣，林瑞活就話我地應該跟住箭嘴行，於是我地又繼續行啦，但係行到一半，我就見到，一個個圓圓的桶形物禮，我初初以為係D過河題石頭，正想行上去時…方海寧就拉住我，話個D…其實係金塔！我即刻轉過頭，任由方海寧帶路，一邊係心裡跟教練咁諗：你睇我唔到…你睇我唔到…你睇我……
最後我地走過左，走上去，就睇到個教練行跟黎，我地都好興奮咁跑過去，終於完啦~~有光真係好T.T，最後，我地比教練叫坐係一D石仔地上，D石仔又多又尖，坐到我地都好痛，但係又唔可以轉位，只好，不斷轉支撐位…過左一陣，我地就聽到第四組唱校歌既聲音，真係好聽到我不敢恭維……= =” ，難道我地剛剛唱D歌都比第一、二組聽到？…真係好”魚”… 最後，我地一共坐左個半鍾(個PP已經痛到唔得啦…)，教練終於叫我地返去個營地，我地就慢騰騰行過去…因為經過超累既石澗行，又行左嚇到我地死既夜行，重坐左個半鍾石仔地，全身都係度抗議，又好想訓覺…zZZ，返到去營地，我地坐左係地上聽教練同何sir講我地今次既表現，順道等其他個人行夜行既人…我一路聽…一路訓…我都唔想，但係真係好累…最後，等到一面哭樣的袁世豪(事後好似話佢自己一個行夜行，唔小心踢爛左個金塔，我地終於可以返房訓覺……感謝阿sir呀~~
第三日一早，我地又起身，諗起琴日D星星，雖然冇第一日咁多，但係都好漂亮…就係我自我幻想中，教練就要我地步操，好彩我旁邊既人提醒我，我先冇出醜…不過經過左琴日，有好多人都冇精神…包括我…zZZ…”喂！你地全部一個二個都冇精神，洗唔洗淋頭先精神呀？” 以上對話，擇自教練篇第三節…不過玩信心降落時(遊戲) ，因為我地做得唔好，所以又比人罰…雖然後來我地係最慢個班，但係我地真係個個都用個心出黎玩，而且每個同學都要玩一次，當到我個陣，我睇到下面，真係好高，但係最後我都係成功玩到！(Yeah~~)不過當中其實都有好多人好驚，有幾個重哭左…不過佢地最後都係成功的！
玩完遊戲，我地就走去食我地係個營地最後既一餐，大家可能都唔捨得，所以唱歌歌個陣都係突別大聲，好似要比一個好回憶自己，這一餐，大家都食得好開心，我地個台氣氛都好熱鬧，而且食完之後，我地都去跳我的既最後一次Disco，不過跳到唔夠我地平時既時間既一半，教練突然講起一D扇情既說話…講起我地學校既老師，講起我地既爸爸媽媽，講起我地既未來…佢越講越傷感，大家都全部哭起來…(雖然唔知點解我哭唔到…) …個場面真係好傷感，處處都有哭聲，而我地都係第一次，第一次清楚知道老師既偉大，佢地係我地背後付出既辛勞…一想到這，大家又哭個不停，我地以何sir為中心，圍住佢一路哭…何sir……
最後，教練比機會我地講出心底話，我地一個個排隊去講，而我同何sir既談話內容就自然唔方便講啦~~總之大家都總算冇哭，雖然個場都一樣係好傷感(我覺得係D歌作怪…) ，但係哭的人就少左好多好多…多數人都呆坐係度……當我講完，走出去寫左問卷，就睇到我地班寫左改善地方既紙，我一路睇，最後睇到罰則，我就覺得好似嚴重左D……不過算啦，大家既然都冇異意，而且罰則要重D先會有多D人遵守嘛…所以最後，條例都一致通過！
寫完之後，我地就匆匆忙忙咁走上去籃球場，因為旅遊車已經黎跟，而我地仲未玩擲水彈，於是，我地班就一人拿一個教練預先準備的水球上去，去到時，發現其餘兩班都到左，佢地暗暗串好，要一齊攻打我地，我地雖然覺得唔公平，但係都冇辦法，最後開始時，我就將我個水球擲到
2c班度，雖然佢地大多數人都退開左，但係仲有小部分人中招，呵呵，不過就係我躲避期間，一個水球向我方向擲來，我避唔到…最後，我條褲就已經全濕……= = 不過算啦，難得我地可以玩到咁高興。
到最後，我地真係要走啦，臨走前我地都同d教練一一講左再見，我真係好唔捨得這個地方，雖然三日兩夜既時間好短，而且d教練成日罰我地做體能，又做得好辛苦，但係最難得既係我地全部人都係到識到好多野，團結、合作、信任、珍惜、感謝……而且這地方見證住我地既成長，見證我地既共同努力，我地係這地方有笑有淚，這地方，永遠都係我地班共同回憶中最美好既地方……再見！
完成時間 10/12
PS.我打這篇camp致少有十個幾鍾！我唔係厄你！
| 
