琴日，係香港聖火傳遞日，本來我地中二可以去，但學校話我地缺課太多，所以機會比左中三…

於是我地就乖乖上堂，不過我真係好想去，好彩，我媽都有份去(家教會)，佢話會帶D野比我，

到左飯後的第七堂，進行特別周會，睇今早的聖火開跑儀式，風帆冠軍李麗珊跑第一棒，大約跑200m，

我地睇到有陳奕迅、陳慧琳、方力生等等，到第十棒，就係中一睇聖火的地方(有三班中一都去)，

不過我見唔到佢地，之後就完左。

其實個日何sir叫我地做一支火炬，用卡紙(大部分都係我做~~)，然後畫祥雲圖案，我地重用祥雲弄2E標誌，

放學我練手球，突然我聽到方海寧叫我，我轉頭，見到所有人係度，陳凱拿著火炬，而且火炬上還有…火！真的是真火！

佢用小蓋盛了些蠟，點著佢，我真係好驚訝，陳凱將火炬比左我，叫我跑，於是我地一齊圍住個操場跑(事後覺得好蠢…)，

不過真係好好玩！*^^*之後我地係手球場拍照，同何sir啦、Miss Fan啦、其他好多好多人……好開心！

講開手球，今日我地同荃官打比賽…如果我地贏左這地就得2or3，但輸就可能同李炳爭季軍，我地都加油！

開頭我地打得好好，6:1，我都入左1、2球(我做center)，但佢地教練叫停，之後佢地改打人釘人，我地就 Oh my God啦！比佢一直入，追到我地還反超前(6:7)，

我地之前根本冇練過人釘人，所以都唔係好知點打，臨結束前我地都好緊張，因為我地差佢地一分，於是就好落力、勁落力咁追，

但最後結果係15:12，我地輸左，依家還是不知有沒有第三名，我地都好Down，而且Miss Fan同我地講返個場比賽，

我地都好激動，因為我地都覺得個裁判係幫荃官！佢地係咁吹我地犯規，黃儷盈(中一)和我都得到一個黃牌…佢係因為九公時走出了些，就被裁判吹，而我就係聽到同隊講人地隊的人走步，於是我就對住我裁判講「佢地走步喎…」跟住佢就吹我比黃牌，真係有冇天理呀！

唉！！！好恨呀~~~~~~~~