有左佢就萛係油性頭髮都可以幾日唔洗頭 Batiste 碧緹絲乾洗劑

迪子頭髮係超級油同埋幼既質地,頭油多呢個問題實在好困擾我,相信CLICK得入來看既都係同病相憐既姐妹!有時頭油多到自己都聞到有陣味,基本上洗完,半日左右開始笠,尤其是前面D陰,笠到一注注咁!但我都堅持一日只會洗一次!因為洗得多我怕再刺激頭皮再出多D油!同埋始終唔係成日可以洗頭呀嗎!

有時收工去飲,見到個頭咁油,心情真係極差!迪子有時更需要返十幾個鐘頭工!仲有無試過坐長途機無得洗頭有幾難受...就係呢支野,可以幫我急救油笠笠個頭!我係BABY KINGDOM都有見D媽咪坐月都係用佢!

Batiste 碧緹絲乾洗劑使用方法:
用前請先搖勻,均勻地噴在頭髮上,等候三至五分鐘待污
垢溶解,然後用密齒梳把穢物梳出梳鬆頭髮,再用乾毛巾抹淨頭髮即可

其實未用呢支野之前我都有用過LUSH既乾洗粉同埋爽身粉去急救!但真係用過咁多樣野,覺得佢最好!LUSH效果OK不過一大陣洗潔精既味我唔係好接受到!而爽身粉都好,不過好難CONTROL,好易搞到成身係!我係卓悅度買$39蚊支,買3支,一支去街用一支放公司,仲有一支放屋企,咁就可以保持頭髮乾爽啦!我咁油,用左佢都可以頂到3日,(因為上次出長途TRIP局住無得洗頭...無奈)

遲下我會再出POST寫下我抗頭油既心路歷程,希望油性頭髮既姐妹都分享下心得啦!