迪子和蝦子餅近年十分喜歡郵輪旅遊，一般後生仔聽到，會＂下＂一聲，郵輪好悶呀！你老人家先岩玩呀！成日係只船上面，唔賭錢有咩好玩！我早幾年前真係曾經咁諗！但近年香港郵輪碼頭開幕，郵輪旅遊已開始成為一種熱潮。但我發現呢方面既資料不多！迪子我真心希望多Ｄ人重新認識呢種旅遊方式！希望大家可以多一個新選擇！

我講既郵輪，不是賭船，我希望大家先分清楚這點。郵輪假期基本上天天都會到不同的ＰＯＲＴ上岸遊玩，在指定既時間返會船，之後就會在船上過夜，再到下一個ＰＯＲＴ度玩

 

我早幾年前去完埃及，在河船渡過左四天之後，竟然深深愛上這種旅遊方式！不用執行李，又不用坐長途巴士，一早起身就下船去玩，玩到傍晚上船，全日供應豐富美食又有大把節目，舒舒服服第二日又到下一個境景點再玩！買完Ｄ野ＰＥＴ晒上船！而且所花的費用很實惠！近呢幾年，放年假都會去一次。

過去幾次郵輪旅行，都係去歐洲和地中海為主，好多人聽到歐洲地中海，一定聯想到＂貴＂字！但我話你知如果你用郵輪呢個方式去的話，所花費用跟你去一轉日本差不多，但十分舒適

 

當然郵輪有好多種ＣＬＡＳＳ，公主郵輪，Ｐ＆Ｏ，以及Celebrity Cruises果Ｄ級數，堅豪華無得講啦！但我以下介紹既都係一Ｄ親民Ｄ既大眾化Ｄ既，例如ＣＯＳＴＡ，ＭＳＣ和Royal Caribbean幾千蚊就埋到單既！

 

好多人去歐洲為省錢，去到只係食凍冰冰既面包和ＰＩＺＺＡ，住ＭＩＸＥＤ　ＨＯＳＴＥＬ（男女同宿的），這是一種年輕的浪漫，我都經歷過，但今時今日，唔好啦卦！去玩要食好一點，住好一點！

 

我過去幾次都係飛去當地玩幾日先，之後自行到港口上船。出發前，你會收到上船既資料，行李帶等等東西，過去我都係幫襯勝景遊買船票既，船票即係包括港口費和船上基本費用包括住宿和食物（至於小費和機票都係唔包既）上岸如果你ＰＡＳＳＰＯＲＴ不用另簽ＶＩＳＡ，基本上是不用另加費用的！

上一次以我去威尼斯上船，坐ＣＯＳＴＡ的ＦＡＮＳＩＮＯＳＡ　８日７夜為例，＄３７００船票　＄５５００機票　＄１１００船上消費，基本上一萬蚊左右你已經可以到歐洲玩足８日７夜！去既地方包括希臘既ＳＡＮＴＯＮＩＮＩ，

 

ＲＨＯＤＡ

同ＯＬＹＭＰＩＡ，

意大利威尼斯

 

南部ＢＡＬＩ

 

克羅地亞既ＤＵＢＲＯＶＮＩＫ

當然去得歐洲都想ＳＨＯＰＰＩＮＧ下，咁果Ｄ就無得計啦。。。

 

以我地上次係威尼斯上船為例，我地飛到去威尼斯，去到機場自行坐巴士（６ＥＵＲＯＳ）再坐ＰＥＯＰＬＥ　ＭＯＶＥＲ（１ＥＵＲＯ）去到港口

十分方便，怕煩而有錢既朋友其實可以幫襯船公司既ＰＩＣＫ　ＵＰ服務，（３５ＥＵＲＯＳ一人），一野車到你去到海口，

 

其實做多Ｄ資料搜集，真係可以為你省多好多錢呀！

去到海口，先搵地方寄行李，記得拎番你個行李ＴＡＧ出來，貼好係你既行李上面，到時就會有專人把行李送到你門口啦！

去到ＰＯＲＴ，ＣＨＥＣＫ　ＩＮ先！成只船幾千人同時ＣＨＥＣＫ　ＩＮ你預左要等ＬＯＬ，好彩既半個鐘，唔好彩既要成２個鐘先上到船！之後就會為你整一張門咭！無論你開門，ＢＯＡＲＤＩＮＧ，同埋船上所有消費都係用佢，而且當你上左船後，佢地會幫你ＫＥＥＰ著ＰＡＳＳＰＯＲＴ直到你落船為止（有一Ｄ國家要親身入境除外）呢張野，就係証明你既身份既証明！務必跟身和小心收好！咭上有寫明你住既房間号碼，緊急集合地點，晚餐地點和桌号和緊急電話等

上到船，基本上係唔會有人會好詳細講你知邊度有咩食，有咩玩，但佢地天天都會有一份日報和明天港口資料送到你房間，上面清楚介紹今日有咩玩，有咩食，ＤＲＥＳＳ　ＣＯＤＥ同埋ＴＯＤＡＹ　ＳＰＥＣＩＡＬ。。。你可以看過資料後再決定參唔參加佢地明天搞既ＬＯＣＡＬ　ＴＯＵＲ

房間種類有好多種，最平既係內倉房，基本野都有，係細ＤＤ　ＬＯＬ（呢間係ＣＯＳＴＡ Fansinosa）

貴小小有只窗，叫海景房，大小小咁啦（Royal Caribbean voyager of the sea)

再高級ｄ，就係露台房啦！上次ｍｓｃ做減價，免費ｕｐｇｒａｄｅ左做露台房，真係堅正！

一上到船，都會有火警演集，大家都好認真要從自己房間拎件救生衣到指定地點集合，係人都要做，唔去既就會比ｄ職員煩到你去為止。。。

首先ＳＨＯＷ一Ｄ相比大家看看船上既食物和環境

上用餐你可以在指定既時間到餐廳用饎，

食既野你可以係ＭＥＮＵ度自己選擇，

ＯＲＤＥＲ幾多個ＭＡＩＮ　ＣＯＵＲＳＥ，幾多個頭葐都不用付款，即係你如果想食幾個甜品，你只要落單時講聲就得，食幾多都得！款式天天都唔同，食到最尾個日都唔會重複！我建議大家係上船既第一日就買定一些飲品套票，因為一次過買會比較便宜一些，而且在外國食飯，人人都會叫飲品的，如果你唔叫就會比較怪啦，Ｄ　ＷＡＩＴＥＲ就會不停問你飲咩（其實叫野飲係ＴＩＰＳ既一種）要經濟一點，叫支水ＳＨＡＲＥ飲，平均都係１.5 euro左右一支，起碼唔會再比人煩呀！

 

 

至於ＤＲＥＳＳ　ＣＯＤＥ，就要小心留意啦！外國人食飯同香港人好唔同，佢地出街食飯都會認真去ＤＲＥＳＳ　ＵＰ自己一番，就萛當日餐廳既ＤＲＥＳＳ　ＣＯＤＥ係ＣＡＳＵＡＬ，都最好唔好著條短褲入去啦！

如果遇上ＦＯＲＭＡＬ　ＮＩＧＨＴ，男士更加要著西裝外套先入得去呀！（咁煩呀！）都ＮＥＶＥＲＭＩＮＤ既，怕煩既都可以去泳池自助餐廳食ＢＵＦＦＥＴ，果度就著咩都得啦！

（唔係妝文，勿插）

早餐都幾十種野你擇，去歐洲食個ｍｃ記都要８ｅｕｒｏｓ啦。。。你話坐船遊歐洲係味好幸福

 

至於玩，要睇下你果只船既設施但泳池，劇院和酒吧都係必備的！除左你ｏｒｄｅｒ飲料，做ｓｐａ又或者參加一ｄ　ｃｏｕｒｓｅ之外，所有設備都係免費的，如要另外收費既，都會清楚列明，而且會問你拎房咭付款！如有問題，你可以在房間內的ｓｍａｒｔ　ｔｖ度ｃｈｅｃｋ數，十分清楚！

劇院晚晚都會有不同既ｓｈｏｗ看，夠鐘入去坐低就有得睇啦！有雜技啦，跳舞，ｍａｇｉｃ　ｓｈｏｗ。。。好精彩

郵輪內部其中一ｐａｒｔ，成個ｍａｌｌ咁。。。（ｖｏｙａｇｅｒ　ｏｆ　ｔｈｅ　ｓｅａ）

喜歡運動既有ｇｙｍ同跑步徑

水上樂園咁。。。（ｃｏｓｔａ）

在ｄｅｃｋ上的免費舞蹈班，氣氛好好

有小朋友既都不用担心，船上有好多節目比小朋友，你仲可以幫小朋友參加各種學習班，佢開心之餘大人都可以自己ｒｅｌａｘ下，仲有ｂａｂｙ　ｓｉｔ服務ｔｉｍ！我眼見小朋友都玩得好開心呀！

船上面好多ｐｕｂ同埋舞池，識跳舞既就可以大演身手啦！

ｂｉｎｇｏ都係好ｈｉｔ既活動，１０ｅｕｒｏｓ一張！我同桌既朋友仔ｗｉｎ左５００ｅｕｒｏｓ呀！

好啦，又等我講下落ｐｏｒｔ既事項先！

一般來講上岸係唔洗錢既，但有可能由ｐｏｒｔ到旅遊點會有一段距離需要ｓｕｔｔｌｅ　ｂｕｓ或者ｂｏａｔ，咁你就要依照＂日報＂上既指示去買票和拎籌落船啦！因為成幾千人同時會下船，遲左取籌分分鐘相差成粒鐘先落到船，無既，你味少左粒鐘玩咁０者！

拿。。。呢張就係車票同籌啦，４１号就係身幾ｌｏｇ落船，到時食完早餐，舒舒服服聽住人地叫咪，一叫到你個ｌｏｇ，就可以下船啦，好有系統的！張車票要ｋｅｅｐ好，因為回程就係靠佢同埋房咭返去啦

往ｓａｎｔｏｎｉｎｉ既接駁船上。。。

至於船上面既觀光活動，其實都幾貴下，你可以依自己既需要去參加又或者自己做定功課自由行

我之前參加過一個去突尼斯的。。。個導遊雖然係講英文既，但佢講果Ｄ人物咩咩打咩咩，我真係唔明。。。好悶ＬＯＬ仲要唔比時間我影相。。。之後我地都無再跟船上面既團啦

其實都仲有選擇。。。一般港口一埋岸都會有人＂撩＂你ＪＯＩＮ當地既ＬＯＣＡＬ　ＴＯＵＲ，一般都比船上平而且咩都有，唔會錯失觀光點！又或者你自己租的士周圍看看，想玩得又平又安心！一切都要你出發之前做好功課呀！

講住咁多先。。。如果好反應既，我就會再寫多Ｄ遊記啦！

多謝收看
其他平台
http://hylam.theztyle.com
http://blog.she.com/hylam
http://blog.qooza.hk/hylam1
http://www.beautyexchange.com.hk/portal.php?mod=list&uid=112069
http://www.fnb.hk/blog/229767
http://www.ubeauty.com.hk/member_blog/didilam/
http://weshare.hk/hylam
http://blogs.elle.com.hk/hylam
http://www.beautylife.hk/?91572
contact me :[email protected]
請多多支持