今日星期三~~放假~~呵呵

原本以為好開心...但係日今要去考英文口試~~

呢排~~最困擾我既事係細家姐既事~~佢入醫院住左成個幾星期~

我都係對上個星期六先有時間去探下佢~~原本因為六係同班朋友去camp~

雖然我好想同佢地一齊去玩下~~不過我更加想去探下我家姐~

星期六果日呢就出左去搵左阿拔先~之後就去醫院睇家姐~

果日佢因為白血球數目低~易俾病菌感染~~所以佢俾人隔離左~自己一間房..

佢果度5點先俾人入去探病~~我地等左陣先入去~~

一路陪佢到7點~佢先去沖涼~~我地等佢沖完涼先走人~~

阿拔帶左d部電腦同d碟俾佢睇~~等佢無咁悶麻,,

8點左右我地就走人~~一齊搭火車~~到粉嶺阿拔走人~

去到上水我先落車轉巴士番屋企~~係度等陣~~

天上好多雲~~我好想佢有雨落落黎~~雖然我無帶遮~

雨..好多人都話:最鬼憎落雨...點解d人會憎落雨-3-

我反而好鍾意落雨~~水一滴一滴咁擊落地面既聲音~

雨水撒落係窗口既玻璃上既聲音~~係我聽黎都係好悅耳~

而我都好鍾意搭巴士果陣落雨~~有時睇到d雨係玻璃上面畫過~

一條條線咁既水~~係玻璃上交錯~~然後又形成水珠再流落黎~~

今日考試..盡力喇....哈哈~~

不過依家係朝早6點左右~~因為通頂無訓過~~

依今朝既天氣黎講..無咩可能落雨~~

最後貼番張家姐係醫院沖完涼..阿拔做阿四幫佢梳頭個樣喇~