今日已經係放完清明番學日第二日....

依然好掛住放緊假果陣...雖然果陣都唔係話訓得好夠~

不過總比起係一個人群入面~但又好似得自己一個...

呵呵....今日點名鬧人唔知做咩硬係有我份....

番學無咩特別野想記...所以...略過喇~~

放學~~做個中文測驗~~原本以為佢俾成1小時15分鍾我~~

我肯定有半個鍾可以訓教...點知....連3分鍾既休息時間都無...

係最尾果一分鍾先岩岩做完最尾果題.....

之後放卷~~細龜講左兩夠野之後就閃人....

今日矮仔留係學校做功課~~真夠勤力

之後嗌埋薯仔一齊飛的...去到的士站..突然想即刻食野...

於是去左麵包舗果左個好耐都無食過既腸仔包...

之後就搭車番屋企~~到左天澤落車~~

同肥曾~奶粉上左3樓~~行入去~~今日阿蚊放假唔係度~

之後買左兩本火影就走人....之後奶粉好出奇咁問:你係咪有齊全套~借俾我...

我心都諗緊...兩個月前我都仲有全套~不過搬房果陣我阿媽丟左我幾本~

依家又要補番果幾本~~唉.....不過算喇~~唔係好貴ja

買完書就落惠康度果燒墨魚丸食><~~~幾乎每日都買~~

之後就一邊睇書~一邊行番屋企.....

仲要俾奶粉話我因住一陣仆左係度會俾佢笑...

shit~~我呢d睇書高手黎架麻~~行路邊難到我~~

我沖涼都睇到(可能)~~~

番到屋企見到屋企無人~~小昇昇已經去左寶琳度住~

唔知做咩~佢係度覺得佢麻鬼煩~~佢唔係度又好鬼掛住佢~

個衰仔愈大愈得意~由其依家生左兩粒牙仔^^

笑起黎個死樣勁得意~~不過佢d口水依然長流長有..

阿媽話要生齊牙先會停...