係前一晚..同維維.阿君.矮仔..4人一同報左個鳳凰山夜行.....

下午6點幾到喇~我咩住個背囊出門口..去輕鐵站等矮仔同維維~

之後就去左北江度買d野~~就去中心度喇~~一去到黎個自我介紹~~

跟住就落去買d野食啊之類喇...8點幾就落去搭車去中環碼頭搭船...

一去到送船尾..又要等成粒鍾...shit...之後四維行~四人行.勁無聊又勁開心...

之後搭架船~~四條友係船尾度坐足全程..海風好舒服架呢....

落左船又要等架車...唉...真係搭車又搭船,,,等左好耐終於有車喇~~

上到車~~係咁搖...搖到去伯公坳落車就正式開始我地既夜行喇...

我地係山腰度開始行上去...一路行又無野做好悶架麻...

所以我地四個人開始玩起接龍...一路接一路行...我地帶頭又俾人話我地太快..

我覺得麻麻咋啵...之後我地用左幾個鍾時間行到去一個亭度休息食下野...

我地四條無聊友梗係拎住部相機狂影喪影喇...d相超好笑^^

休息完之後就淨番既最後一段路前進...用左接左一個鍾既時間行埋果段路~

黎到山頂...原來已經有好多人到左..d人話呢度好凍..不過我覺得ok...

係我地坐係度等個日出既時候...有隻蛤蟆跳左落我隻腳度~~呵呵...

真得意既蛤蟆..我狂影佢相...佢應該好憎我...因為閃光燈向住佢對眼狂閃.

之後我唔理隻野喇~~行左去睇日出既最佳位置...同維維.矮仔.阿君..四個人係度等個日出..

個天慢慢開始光..我地見到天邊有橙色既光...睇左一陣..終於見到阿君日中既"龜頭"係雲中間凸左出黎..

7點幾果陣我地就開始落山..落山條又勁斜..又好石梯級.d石仲要濕既....

我地用左個幾鍾時間先行到落去大佛度..第一件事去廁所換衫...

因為行左成夜..成身汗..依家知道臭男人係點....

之後搭車番東涌..搭車番天水圍....番到天水圍都11點幾..

好攰啊...之後番到屋企沖個涼..一訓就夜晚12點幾..

之後起身訓唔番..就一路打機到天光..之後又頂唔順訓左無番學..呵呵

今年暑假同同學.契家姐去玩..十分開心..不過仲未完架^^