其實應唔應該話最後一日既假期呢....

個假期入面我都走左去番工~休息?基本上無乜....

就連尋日既放假都番左去幫手~~不過又無所謂既~

放假都無人約架喇~~不過番緊工陣又好多人約架喎~~但我又去唔到~

不過呢排唔知做咩~~出錯日日有~動力放工即刻有~番工完全處於呆滯既情況~

尋日10點番到去~執貨~~一箱二箱野~單一計又唔算好重既~

最衰係係士多房度執~~愈執就愈熱~~愈黎愈攰...

之後阿joe爺無喇喇心中有暗湧喇~對平時佢都唔會用d咁既語氣既野既yuki講野~

陰公囉~~yuki無喇喇俾人拎黎開槍添~~

之後阿朗哥仔番左黎..起晒d垃圾袋係度...之後到我俾人開槍....

話d垃圾袋起晒係度唔拎去丟~~愈黎愈想小7佢~

不過佢無咩野果陣份人又幾好相處~

之後4點半~放工即刻換衫閃人出去買野~

番學要用既野都幾鬼多下=.=

行到我攰到pk~~之後再去食個飯就閃番天水圍~

番到屋企~~完全係攰到不似人型...

沖完個涼~頭髮一乾~就扒落床度訓著左lu~

好耐都未試過11點已經眼到訓要即刻訓~