琴日去左【中華古箏比賽第三輪分區賽】,我彈【林沖夜奔】,衰緊張,出左7成功力咋,預左自己8字頭算了。好快有分紙,唔係好相信自己有92分,仲有銀獎,入埋決賽。=="慈慈拎94分,都係銀獎。遇到上次考演奏級既女仔,我被佢個樣呃左。佢就快16歲,升中五了。佢彈【幻想曲】,97分,金獎,全場最勁。不過台下口水多過茶,好鐘意同我&慈慈傾計。另外一位升中六既姐姐彈【井岡山】,91分,銅獎。決賽同我一樣彈【草妹】T^T"有一對孖女好細個,一個彈【雪山春曉】,銀獎。另一個彈【幸福渠水】,金獎是也。台下佢地睇小說,都唔睇人彈既。=X="整體黎講,個個都彈得好好,水準比校際賽高好多,但係參加人數就好少。我估計應該全部人都有得入決賽(85分),但係金,銀,銅(90分以上)就應該有10個人左右啦。8月13日去番奧海城拎獎。8月16日又係奧海城決賽。

拎到分紙後打電話俾阿SIR報囍‥XDD"【銀獎咋??】佢問。=0="對我黎講已經好好架啦。【評判係邊個??】嚴XX,朱慧玲。【呵呵。】…好恐怖既笑聲。希望快D到8月13日啦,同慈慈拎完獎殺去朗豪坊影貼紙相。8月16日大家都要努力喔!!^^~