今日比賽啦,早上練左2粒鐘,斷左1條線。

3:00開始比賽,有18個人。我係下半場,得10個人。

10個人入面有一半人彈草妹,1個人彈幻想曲,其他人彈山丹丹。

瑩瑩報左名,但最後冇黎。T^T"今日有5個評判,有我最仰慕既羅晶>v<"同埋出名既吳曉紅,其餘3個唔記得。

今日既對手勁囉,有揚威國際~羅晶既徒弟。佢咪就係彈幻想曲囉,完美地拎到金獎。

仲有我個FD婕瑩,佢彈草妹都有2年幾啦,今次拎到銀獎。<金,銀,銅各一名>

銅獎係邊個?好多人都估係我,但唔係囉。點解呢?

1.雖然多人彈草妹,但我個FD已用草妹拎到獎。所以...銅獎要俾其他歌拎啦。

2.要俾番面呢個琴行舉辦,所以會俾呢間琴行既學生。唔公平都冇得上訴架啦,唔緊要啦,人地首歌簡單D,低級過我。XD"

我今日彈琴衰咩呢?又係緊張囉,5個評判望實我彈之外,仲有好多旁觀者。

D人竊竊私語我都唔理啦,仲要俾我聽到佢地講咩先衰丫嘛。每個人彈琴都有缺點,唔得之得咁多閒言閒語啦。

最後,我咪拎第四囉,所謂既【優異獎】,冇得去沙田大會堂拎獎啦。T^T"

算啦,根據彈草妹既成績,我係拎第2既...校際比賽再黎過,今日呢個比賽只係前哨戰。<安慰自己ING>

我彈完後聽牙媽講,口係我之後彈草妹既人都有D心慌...-0-"加上金獎有留意我彈,都當我係一個對手吧!?=U="

去完比賽返黎天慈酒樓食DINNER,都成8:00啦。

牙爸居然話:【慳番D錢,唔洗行多轉去沙田大會堂。】搞到我喊...家陣睇死我咁話牙?哼﹏

我今日知道成績後唔想報告俾牙SIR聽,但牙媽叫到…唉。

佢問:【第幾名牙?】冇牙!!【幾多分牙?】冇牙!!【咩獎牙?】優異…閉拜。

唉,好想搵人出氣。<哇卡卡~>今日睇完比賽之後,覺得每個人彈琴既風格都好唔同。

羅晶既徒弟呢,公認係彈得好。但係問我佢乜野彈好呢??我又答唔出了,因為佢俾我既印像唔深刻,亦唔夠特別。

婕瑩呢,標準的上海派風格。佢彈琴既時候,表情會表現出好享受呢首歌既樣,就好似被評為[彈得好]既基本原則。

其他人...暫時睇唔出有咩個人風格,因為成首歌彈得唔完整。

我呢,D評判好似唔鐘意我彈既風格。="=我既[好]與[壞]就在一線之差,就睇我臨場發揮成點了,真係危險。XD"

至於邊個同我既風格最似??應該係我牙SIR啦,因為成日睇佢彈。睇慣睇熟,就跟左佢咁彈。分別就在於佢彈特瀟灑D<男仔嘛~>,我唔敢放膽彈。= ="

仲有3日假期,仲未做完功課...>w<"

今日除夕,周圍都好熱鬧,為左迎接2007年。>3<"

今次比賽我自認失手,仲好緊張,不過彈琴總會有高低起伏,我唔係【長勝將軍】。=v="

一山還有一山高牙。【沒有最好,只有更好。】呢句話講得冇錯。

1月14日星期日有個表演,係口係人地學校表演,應該都係彈草妹架啦‥不過我冇咩信心。

又唔係用自己部琴彈,仲有背負住[牙SIR既學生]呢個名義彈,都幾大壓力下。

但係,我今次比賽衰左~XD"希望牙SIR唔好將呢個表演既機會讓左俾佢...>︿<"<妒忌?@@>

打左咁耐,要停手啦。

2007年,希望係個美好既一年。^^~