愛上你像做夢，
失去你卻心痛。
嘿唷，仍然係開心既一日。
今日發生左勁爆多事，笑到我面部肌肉抽筋。
不過當然有令人嬲既事啦、覺得討厭既事啦啦啦－－
好多野牙！
今日一早喉嚨勁痛 個胃又痛喎，都唔知咩事 （噗啦啦∼）
晨讀個陣勁大件事牙！
威威同林柏燊 仲有瑩女ｂ（似乎係佢地幾個啦） 整嬲左何ｓｉｒ
搞到何ｓｉｒ發哂脾氣 勁牙！第一次見到‥ 幾得人驚架 呵呵
我都記得牙ｓｉｒ話過唔會幫我地訂計數機 好似係啦。
咁佢地講個陣 牙ｓｉｒ都話左唔會幫我們訂啦 佢地兩個仲係咁講 個個都唔敢出聲
係佢地兩個一直話牙ｓｉｒ話過會幫我地訂噗。
第二樣野就關牙女ｂ事既 不過佢只係「代罪羔羊」啫，
其實各位１ｅ班同學都知咩事架喇， 但係我地真係唔知可以改比例喎
問下啫 牙ｓｉｒ唔洗咁牙？
我地又唔知 你又唔講‥
之後就到三堂ｖａ，悶到爆左囉
ｄ英文仍然係咁唔流利 噗唷。
小寧寧個封面令爆牙 搞到好自卑 （燦笑）
咁到左數學堂囉，氣氛明顯地唔好，
其實牙ｓｉｒ嬲都唔應該向學生發脾氣．．
不過算啦 ＝ ＝”
跟住到左ｃｅ
勁無聊 都唔知發生咩事就話要分唔知咩組
我地有堆女仔１０個人都分唔到 咁咪俾陳姑娘抽囉 聽天由命 ＸＤ
ｃＬ仍然係勁搞笑既一堂 愈黎愈鐘意佢
ｙａｙａ 連續四次默書滿分 （無害笑容１號出現）
ｍｉｓｓ ｈｏ又話暫時之後都唔會有默書 勁開心 ＝ ＝
不過都唔會再有上網時間 咁我寧願默書＋繼續上網囉 ／＼／＼
反正ｄ默書得死咁易。
食ｌｕｎｃｈ就同佩佩食啦 點知＿＿＿又黎喎 極無奈囉
佢得５個幾又黎 成日都要借人錢 唔係幾ｌｉｋｅ
做人要量力而為‥
我係個種 憎借人錢 驚借錢俾人 既人
因為通常借錢俾人都唔會收得番ｄ錢囉 無奈
佢已經借左我成１０幾蚊 ←可以食到一餐飯架喇
而且山羊座對錢好敏感．． 所以我勁唔爽囉
↑
所以佩佩同我係同一類人 ＸＤ
咁我地去左麥當當食野 咁啱佩佩牙媽又係度啵 但係佢地要走架喇
所以我地唔洗搵位。
我同佩佩都係食一個餐啦 ＿＿＿就淨食個包
佢係咁攞薯條食 睇到佩佩個樣極無奈 又唔好意思出聲喎
跟住盒薯條 ３份之２都係＿＿＿食
然後佢就開始侵蝕我ｄ薯條 不過我喉嚨痛 咁唔緊囉
（雖然我都係幾唔滿意架喇 ＝ ＝）
我諗如果某駒在場一定好好睇 ＿＿＿一定感到好有壓迫感 ＸＤ
哇 我＿你個＿
佢ｋｏ哂ｄ薯條之後仲有淨好多茄汁嘛，
點鬼知佢竟然用手指 去點ｄ茄汁食
勁嘔囉
第二次直情成隻手指壓落去， 我唔知佢係唔係真係咁肚餓．．
但係．． 太不雅掛．．
咁我咪即刻企起身話走囉 （←個陣時佩佩未飲完杯野）
冇計牙 頂唔順．．．
明顯地佩佩知道我既諗法 所以好配合咁攞埋杯芬達起身，
大佬．． 我唔掂架．． 我連見到「小醜」都覺得ｄ「小醜」好變態
應該冇咩人知 ＸＤ 除左鬼之外 我最驚既野就係「小醜」。
即時衝左出去， 係好自然既發現 相信如果你親眼見到就唔只咁樣 ＝ ＝
之後中文堂 勁好笑牙！
大概係好似威威問ｍｉｓｓ可唔可以飲水 跟住細細佬 （坐我隔離個隻小正太）
扮哂野趺左支筆落地，跟住攞埋個水樽呢入 木台 底係度飲水，笑死
跟住 明明舉手 爆料 點知ｍｉｓｓ聽唔到 ＝ ＝”
笑到我爆咀．．
然後休息個陣超多人訓覺 ／＼／＼
放左學之後我同佩佩就陪樂樂去還漫畫
搞左勁耐 去左７－１１
然後就番屋企囉
跟住又去同牙媽同家姐 去攞家姐張成績表
個鄧青蛙 ←家姐個班主任
講ｄ野笑爆我個咀 ＝ ＝
哈哈－－
李＿彤
我仍然有諗起你 每次都將對你既思念吞落肚
今日我同其中一個ｆｄ講話如果轉校會轉去黃＿枝
當中有一半原因係因為你．．
好想知你係中學度發生過咩事 但係從派位結果出左開始我就知道永遠都唔會再聽到關於你既事
曾經有一次機會可以見到你 但係我錯失左
曾經有一次當面見到你 但係有口難言
每次同樂樂行街我都會話想去吉之島
因為去左之後就會有萬分之零點零零零零一既機會見到你
但係好似自從中學之後就冇係吉之島度見到你．．
唉 ＝ ＝ 好無奈牙
天要我地見唔到面
天要我永遠都思念
或者你已經唔記得左小學既事 不過唔緊要
你唔記得既野 我會連埋你個份一直記住．．
好掛住你牙！！ ＸＤ
| 
