White Christmas fall in love
在雪花紛飛浪漫季節
陪你發呆也是 一種幸福
有你的日子我真的好快樂
嗯，又見面喇。
係唔係有少少奇怪做乜我呢幾日都咁乖打日記‥
嗯，我都唔知。
總之就係想打就打啦，我呢種人就係咁喇 做乜都睇心情，溫書都係‥ （笑）
話說我地今日考中文‥
嗯，呢次考試我對科科都冇信心，最大原因係冇溫過書‥
不過， 中文真係， 就算真係有一兩題難，整體黎講都係易架喇
（某駒曰：易？真係？派番黎唔好唔合格，如果唔係鬧死妳。）
呃， 順便講下啦， 呢排某駒係屋企幫我溫書 （某駒曰：真係溫書咩？）所以打日記佢成日都插嘴 嗯，順便打埋啫，
今日考完試同樂樂去左ｍ記食早餐，而佢呢，又開始傻下傻下，講左好多 感性 既說話 （注：唔係性感＝ ＝）
總係覺得大家同我之間仍然有一段距離？ 都唔肯講到底諗緊乜
（某駒：佢地講左妳都冇聽架啦）
‥ 蘇某拿起菜刀‥
之後番學校還書啦 ←因為之前蘇某唔記得左攞番學校，所以要行多轉。
唉，突然間唔想打添‥
算啦，繼續。
跟住去左７仔， 樂樂又買雜誌，有錢人 （搖頭嘆息）
本身想去還小說，點知間死野又未開啵，咁咪同樂樂行左勁耐，
係吉之島見到姑姐同茵茵啦（←本人表妹一枚） 傾左兩三句又走左。
點ｑ知都係咪開，又行，又未開‥ （中間省略）終於係１２點幾開左喇
咁啱佢開個陣隔離漫畫鋪又開，又俾個人見到，又俾人屈機租漫畫，破財‥
（某駒曰：嗯哼，真係勁，考試睇漫畫，妳真係打算考天才？）
之後又番左屋企啦，
睇漫畫‥ 呃，睇一陣啫，冇問題既‥
（某駒曰：由１２點半度番黎，睇到３點幾，真係一陣，一ｄ問題都冇）
（蘇某同某駒鬧交中，當中包含粗口所以唔打上黎喇＝ ＝）
接上一句，呢句已經係１３分鐘之後既事黎喇‥
極度無言，個死人ｘｘ駒，
唷，我有冇同你地講過 （邊個你地‥）
佢牙，好鬼死衰架。
同你鬧交佢唔會即時有反應，只會偶然講一兩句勁串 激死你既話
佢呢，唔係多野講果隻人，
但係惡起上黎好鬼死恐怖，，
所以次次蘇某都係佢銳利既瞪眼之下乖乖就範‥ （呃，你有冇諗歪？）＝ ＝
總之呢，佢唔係好人啦 （笑）
↑趁佢去左廁所爆料，噓∼睇完就算、睇完就算
當然 以上描述不夠仔細．．
很好，佢暫時睇唔到＝ ＝
各位，呢日既日記又完喇
本人要被拉去溫英文∼掰囉
| 
