今日一大早被吵醒 訓耐左呵呵 還好沒有遲到 今日特別上課日 一番到去...... 要交經濟 我昨晚係到諗問答第一題出得好有問題 叫我寫出慾望同需求定義 之後問慾望同需求關係 二個答法好相同 我都唔知我個題岩唔岩 一大早上經陳SIR教授經濟都幾好 今日才知我讀個本經濟佢有份出...... 開始覺得佢好有料 之前重話佢解答問題帶人遊花園 我諗我要對佢改觀 之後個堂基教 黃sir講野風趣幽默 下一組到我們組報告 題目係耶穌受試探 對於一個唔信基教的人都幾難做下 加上我個組得我一個肯做 慘慘...... 商業個堂MISS教期貨巿場我要花一點時間思考下 之後個堂中文堂 派上次個份評估 MISS話得10幾個人合格 我諗我都係唔合格 佢由最高分個個開始讀 讀左頭5個之後 點知到第6個 MISS 叫左我個名 估都估唔到 我中文平時咁差 今日竟然....... 都唔知話我係唔係撞彩 到左我最唔鍾意上英文堂 MISS講野 都唔知佢講咩野 唉...... 今年英文我諗都唔會好都幾多 落哂堂 1:45分重有個中文評估 唉 今日特別上課日都要做評估 唉....... 但係我對今日個份評估好無信心 好多都唔係好識做...... 不過都早放左 出左校門 一路同家誠 行到去MTR 我都唔知點解我隻腳 係咁係到痛 愈行愈痛 最近都係咁 行路有時無左重心...... 呵呵 4:30分要去活學到上高SIR的經濟堂 佢講野好風趣又教得好呢 但係番到KT 都係得個3點鍾 去下APM書局睇下雲海寫的寫 之後去左M記個到休息下 溫下習等4點去上活學高SIR堂 今日唔知點解特別累 上活學高SIR堂我都竟然有一點兒睡意 真係要休息下...... 唉今晚重想溫會計 我開學到現在都無溫過......

唔知點解發覺自己開始變左 以前的幼稚舉動 開始沒有出現了 唔知點解我最近好想要部可以影相加拍片的數碼相機 想將一些開心野記低哂係相機入面 生命有太多遺憾 人越成長越覺得孤單 我很想飛多遠都不會累 我只想飛在我的天空飛 回憶的畫面記錄的語言
載著我的想念飛過了地平線 學著勇敢一點 偶爾也會哭紅雙眼 眼淚試我心中另一種完美