昨晚是平安夜,
約了友人們出尖沙咀睇燈飾,
ofefe,wene她們先去會展,
我同琳琳就先去尖沙咀行o下、等她們,
我同琳琳兩個其實都唔識路ga,
o係呢個情況底下,
唯有靠直覺,
幸而我的直覺也頗準,
加上也有些路牌指示,
總算沒有蕩失路。
兩個多小時後,
ofefe她們終於來到尖沙咀,
但因為警方的人流管制,
我與ofefe也分別在人群中等待,
等了不夠十分鐘,
人群便開始鼓噪,
噓聲四起、噓完一次又一次,
很快警方便開閘讓我們過,
ofefe那邊卻因沒有人鼓噪,
等得比我們耐很多。
唉~
欺善怕惡的又一例證！
幾經辛苦,
我們總算在天星碼頭會合,
然後我們便一起乘渡海小輪去中環,
在天星碼頭我更巧遇Wayne與他的友人海獅,
呵呵~
真有緣,
去到尖沙咀而且又咁多人,
但都見到大家。
到了中環,
我們便去許願樹許願,
我寫o左2張ar！
希望會靈現la！
然後我們便玩了一個game,
不,
是被人玩,
行o左好多好多冤枉路,
行到我好攰好攰,
本來我都真係有點兒嬲,
因為如果唔係他們,
我會冇行咁多路,
會冇咁攰,
不過,
看見那個被我遺忘的海傍,
很美很美,
坐在那裏,
吹著海風,
有種好舒服、閒適的感覺,
真的很棒！
海風吹走了我的不快,
只剩下很疲累的軀體。
唉~
有乜好嬲ar,
大方d咪好law,
朋友有今生,
未必有來世,
而且,
現在各散東西,
已不再如以前般可常常見面,
咁又何必再浪費時間去嬲呢？
仲有ar,
嬲人咁辛苦,
要成日記住自己嬲o左佢,
會死好多細胞ga,
所以,
還是大事化小、小事化無吧！
凌晨二時三十五分,
終於回到家,
全身都又攰又痛,
亦很眼訓,
洗澡後便上床睡覺去,
快要睡著之際,
電話響起來,
又要下床去聽電話,
原來是某人打來道歉,
傻瓜,
我o個時都嬲完la,
不過,
遲來的話總比完全沒有好。
總之呢,
咪再有下次la！
昨晚,
與友人們拍了不少照片,
過了挺開心的一晚！
|
