| «‹ January 2019 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
2006 年 10 月 6 日 星期五  |
Happe Mid-Autumn Festival  |
分類: 未分類 |
終於到了星期五了, 今日仲要係中秋節 + 阿浩哥哥既生日, 終於可以休息一下了, 現在隨了必須的工作外, 其餘的時間都希望可用作休息, 而且我黎緊十二月又要考日文試, 亦都要抽時間出黎溫習一下. 今日kwe office同去年的johnson office似乎有明顯既分別, 去年中秋節氣氛似乎較為濃厚, 今年似乎有點兒失色!!!
中午到了canteen食lunch, 可能好多人都打算同同事做節, 所以… canteen特別多人, 我地都好多人吧, ha!!! 各同事坐埋一齊表面上好似好溫暖、好親密, 但… 其實我已經唔會將個「心」放响近鉄了, 目前的我响近鉄生存只係為了錢及讀書, 其他的事… 我唔會想理, 亦都唔去理, 其實有點兒自私, 但… 哩d都係我响近鉄學既…!!!!! 我成日覺得計黎計去… 我咁既工作態度最大既得益都係近鉄, 我一共花左一年「最青春」既時响度…, 點計… 近鉄都有「數」.
今日既放工時間比預期既早, 都係七點姐. 但係其實自己仲好精神, 不過身體真係有d攰, 本來約左凱林佢地賞月既我, 都臨時取消. 今日搭車返屋企其實都預左會好多人, 但係… 真係無諗過情況會係咁架… 已經刻意的… 行出荔景搭46X, 怎料等左成20分鐘, 早知係咁就搭地鐵啦, 又要迫住咁多人喎, 所以 … 結果我返到屋企已經8:20分了….
返到去… 大家都食完飯了, 留下的… 都有好多餸, 好幾日無响屋企食飯了, 覺得好好食呀, 晚上食的所有野, 都真係幾好食, HAHA!!! 食完飯就同羅德一齊去散步了, 其實我係想去感受一下節日既氣氛, 唔知點解响哩短短既一個多小時… 我諗到好多野呀. 時代真係轉變了, 今天見到的快樂似乎都源於物質上的享受, 發自內心的…快樂似乎只有輕微. 另外, 傳統的燈籠 + 蠟燭都似乎被淘汰了.
其實中國的節日都真係幾開心, 可以讓大家聚集一起玩樂, 讓大家可以舒發工作壓力, 小朋友亦都可以趁機瘋狂玩樂. 今個星期太忙了, 我都忘記要在屋企點燈籠, 每年我都有KEEP住年年玩, 但今年卻忘記了…, 好彩媽咪昨晚自己掛了幾個. 今年係我第一年無親自點蠟燭的一年, 我明天一定要重捨當年點燈籠的快樂!!!
|
|
|
凱林, 多謝你的留言吧.
的確一個上班的人... 同一個學生, 無論响思想, 行為, 以至感覺都真係有明顯的分別. 好多野都唔可以比人知道, 所以哩個日記係我唯一可以發表自己感覺既地方.
响哩度... 可以盡情地表露開心同唔開心, 亦可表逹不滿, 真係唔錯!! 所以我會盡量將自已的內心世界表露而沒有絲毫的保留.
凱林... 你要小心身體, 唔好捱壞喔!!!
|
|
|
凱林 於 2006-10-08 04:11 PM 發表：
跟朋友一面msn同樣的題目.記不記得中七的課文,人生的意義.
有時要為左存活而放棄某些道德,不過可以的話,要盡理將道德的失地收服番.咁樣大家至唔會跟原本未出社會o既自己相差太遠.
我地唔可以變成公司入面d姐姐咁~雖然我明白佢地都係不得矣.
我會擔心你跟Jeff工作唔開心而對社會觀感改變、會失落,正因為我都有些少失落,不過依家似乎有答應.以不變應萬變.
|
|
|
凱林 於 2006-10-08 04:02 PM 發表：
子嘉的日記愈來愈好看,叫睇o既人真的好開心~~!
版面唔同左,子嘉所寫的亦唔同左,有好多內心o既野呀!
同我上次的留言一樣,似乎大家都因為出左o黎社會做,開始留意到真正快樂o向邊到.
我自己都一樣呀!子嘉,我好懷念小時候,掛燈籠、吃月餅的日子.
中秋還是小時候的快樂.有這樣的感覺.不過中秋依然係我至愛的節日.
因為的節日重點好好,唔係瑞午重陽的懷念先人,唔係新年o既除舊迎新,係團圓.
昨晚你跟yuki不約而同話好鍾意古巨基的愛得太遲,其實我都係,唱的唱得好,作詞的林夕更功不可沒.佳節加上歌詞,現代人會為了工作、金錢喪失某部份的靈魂,係時候o向佳節尋覓回點點童真.
燈火闌珊,讓你想起校服、想起舊事吧,很想回應你.不過我有點遲頓,我亦有點"出神"當中,沒錯,我真的有點殘,但我竟然沒有因為你的直接而小器.殘,總有點道理,我知道你是要我注意身體.
在愛得太遲裏有一句,"我也覺 我體質 彷似下降 看了症得到是別要太忙..."
|
|
