今日過左一個算叫做充實的星期六, haha, 點解咁講呢, 因為今日唔駛返工, 可以做自己野, 絕對係利用時間. 早上到了旺角玩yoga, 好耐都未玩過了, 為免浪費金錢, 我點都會完成佢既. 玩完又沖埋涼之後就去左行了, 因為要等阿信一齊睇戲, 沒想到會同佢一齊去睇架, 哩個配搭其實都幾「騎呢」, 不過… 都係搵個人仔陪我睇戲姐.

自己一條友仔行左粒幾鐘, 可能因為太早關係, 所以好多舖都未開, 不過我都買左樣野比自己, 就係一個著住畢業袍既小新呀, ha!!! 哩個小新唔算得意, 但係著住畢業袍就可以令我有更大刺激, 激發自己努力完成哩兩年咁艱辛既任務!!!

講番哩齣戲, 今日睇左「地海傳說」, 唔知係唔係真係動畫大師作品特別唔同呢, 好唔明白呀, 好難明!!! Haha, 我諗哩齣戲比小朋友睇完, 一係同我一樣, 一係就有無限既想像空間.

睇完之後, 阿信同我一樣唔係好明呀, ha!!! 可能大家既質素差不多掛!!!? 之後就行左陣信和, 行完之後, 完全發覺自己係响潮流既「側邊」ぁはは – 引用阿浩座佑銘!!!