今日係個特別的星期二, 因為我終於唔駛星期二番學了, 因為阿sir要學普通話, 所以... 改左每個星期三才上堂, 實在係太好啦, 哩三年多, 逢星期二晚都要上日文課, 所以我成日都覺得星期二既電視節目特別好睇. 今日我無上堂, 所以就約左阿信一齊去睇戲. 星期二睇戲真係好抵, $40咋, 平時最平都要$55, 所以我以後睇戲, 盡可能都會安排星期二睇, 一來平少少, 二來應該會少d人.

話說今日放工便搭車出葵芳新都會, 真係好方便, 其實我地係7:25PM才離開office, 但係响7:40PM既開場時間已經買完野食入埋場, 仲以為我地兩個睇戲既宿命係… 永遠都miss左開場白.

我地今日睇「舞出真我」, 我覺得幾好睇呀, 係近期一齣今我明白既電影, 除左有感情線外, 其實齣戲最重要既係帶出「真我」, 從迷失中尋找目標的經過. 事實上, 哩齣戲唔係話真係好好睇, 但係… 真係幾有意義.

 睇完戲就番屋企了, 我仲約阿信下次再簡星期二睇戲!!!

P.S. LUNCH同阿儀 + ROGER玩NDS對戰, 超正!!!!!