今日係大除夕, 而家一放假就掛住訓午覺, 仲要次次都起碼2.5小時, 不過都好既, 唔駛諗做d乜. 今晚決定去APM睇黃金甲, 順道去埋倒數. 齣戲都唔知點形容好, 佢又唔係唔好, 但係又講唔出一D讚美既說話, 但係又聽到好多人話哩齣戲好睇喎, 我又唔覺喎. 睇完之後真係O咀.  

睇完之後剛好就係倒數, 其實倒數真係幾正, 全個APM的人都會同一時間將焦點集中於電視, 齊齊倒數, 再一齊歡呼, 氣氛雖不及銅鑼灣, 但… 對於我黎講… 已經好足夠了.  

今年就係這樣的過去了. 其實今年都真係唔錯呀, 好多願望都實現左, 其實都唔算得上願望, 其實係目標, 就好似… 讀DEGREE… 幾經辛苦… 終於有人比機會. 另一個目標就係… 應考日本能力三級試, 雖然成績不一定好好, 但總算試過嘛!!!! 哩兩個似乎係我响2006年最大的目標及成就吧, 亦都係開始, 好野…!!!

至於明天的我… 我還未想到, 想到… 我一定會將佢記下來, 看看明年的今天… 有否「夢想成真」!!!!!