天朗氣清, 最好就係來一個戶外活動!!! 今天約了銘浚兩個人一齊踩單車, 原本係約左VICTOR, 但係佢臨時要上大陸工作, 所以迫住取消今日踩單車既活動, 似乎我地要推到「本命年」 – 豬年 – 先至可以再同VICTOR一齊玩了. 話說今日九點多起床, 實在太好了, 昨天的倦意並沒有帶到今天, 而且今日食左一份好鐘意既早餐 – 砵仔糕, 呵呵, 我係咁「哎」BENJANIM星期六返工既時候買比我當食, 佢死都唔肯, 今日我叫媽咪買, 死人BENJANIM… 累我一個月後先有砵仔糕. 我以後唔同你玩, 等你响公司悶死!!!!

今日用左$35租單車, 實在係抵, 只係輕微地貴過平日少少, 估唔到係平到咁. 11:30開始踩, 一直踩到4:30, 由大圍至大埔, 再兜到馬鞍山後回程, 就此完成了今天的「我和銘浚的單車日誌」!!! 大約1:30到了大埔某間「大家樂」午餐, 不錯… 之後就係食雪糕時間, 呵呵, 最近好似食多左雪糕, 難到係因為…. 阿傑?? 死人頭, 想整肥我??? 係陰謀… 仲要係幾大嗰隻!!!

交單車後立刻回家, 今日真係唔多攰, 只係覺得皮膚乾左少少, 其餘的… 都十分適合, 真係踩得好舒服. 不過唔係好攰, 但係… 都要訓午覺, 5:00回到家, 第一時間就係訓落床, 可惜既係… 我竟然訓唔著, 真係難得!!!!