今個星期其實都係以玩為主, 因為從明天開始又要返學了, 係第二個學期吧, 一連四夜都要返學, 又係另一個準時收工既時段吧. 不過唔緊要呀, 因為我已經辭職了, 準時收工… 對於我黎講, 已經唔係一個問題了(又或一直都不成問題), 不過我都會盡量配合大家, 有野… 我都會幫手, 無的話… 都唔緊要… 因為我都要返學 + 搵工, 根本唔會有其他多餘時間了吧!!!!

話說今日一大早就同victor一齊去買單車, 真係開心呀, 用左$300買單車 + $60買鎖, 都可以接受, 雖然唔係靚野, 但係… 最起碼既係… 比人偷左都唔會覺得係大損失!!! 部單車雖然平, 但係… 都OK好踩, 起碼唔會話真係太重, 應該話係… 哩個價錢 + 哩個質素, 係可以接受. 隨後就踩左去VICTOR屋企, 可以當係試車吧, 沿途都無乜點欣賞城門河既景色, 因為今日係微微雨天, 而且有少少凍, 所以… 只係掛住踩, 盡量避免因地下濕滑而跌倒!!!!  

今日既主要節目其實就係去阿SIR屋企拜年, 本來係年初八既事, 但係因為大家時間上好難配合, 所以一推再推, 直至今天才能完成哩個節目, 呵呵!!! 阿SIR原來有兩個仔架, 仲以為佢得一個添, 佢個細仔好鬼得意, HAHA, 真係好鬼得意, 仲好似阿SIR. 阿SIR今日以「日式海鮮火煱」招呼, 我當然識做以… 生果 – 青提子 + 龍眼 - 回禮啦!!!! 阿SIR老婆煮野真係有一手, 好鬼好味, 而且材料好新鮮, 好多都係價材料, 我諗如果出街食… 起碼要$200-$250一位!!! (佢仲自製好好味既「雞蛋布甸」, 得閒我都要試下整!!!)

大家傾下計, 講下笑, 話咁快就到左五點幾了, 係時候走人, 我同VICTOR就踩單車離開, HAHA. 唔知點解上去見過阿SIR個日本老婆之後, 我努力溫習日文既決心又番黎了, HAHA, 希望自己可以堅持下去!!! 回家後都六點幾了, 覺得好攰呀, 所以訓左1.5小時, 哎, 睇黎今晚都係唔願訓覺了.

P.S. 今日一次過燒左5隻CD-ROW, 全部都係過去半年影既相黎架, 真係估唔到原來有咁多架, 下次再有咁大量既相, 要用DVD試下燒!!!!!