星期六要返工, 其實都係一件好事, 唔駛呆坐响屋企, 而且星期六返工, 係比較輕鬆舒服. 今日我終於行出左第一步了, 就係遞辭職信, 其實都屈住成個月了, 從16-Feb開始已經不停的想, 但仔細想過好似搵到後路先辭會比較好, 但係… 其實哩一兩個禮拜都好想遞, 特別係哩個星期, 天天都好想, 但係benjamin同阿儀都不斷的叫我不要衝動, 直至今天,辭工的意欲突然上升, 公司今日既上班人數又少喎, 把心一橫… 就作出了決定, 而且… 下定了決心, 終於都係眾人既反對聲之中… 遞了人生的第二封…「辭職信」了. 辭左之後, 自己既心理壓力, 突然之間好似消失左, 覺得自己响近鉄既任務都到左尾聲了, 責任亦都開始減少, 我終於可以有「話事權」決定自己「留」與「不留」, 黎緊哩一個月, 我會重新的投入自己既學業, 我希望可以多放點時間响degree及日文身上, 工作都其次, 但… 我都會盡我所能响最短時間內尋找一份新工作, 始終自己都要生活嘛, 雖然… 媽咪佢會救濟我, 但長遠黎講… 我都唔想別人施以援手.

其實真係好唔捨得… 尤其係阿儀@Benjamin, 仲有就係「哥哥」, 哩三位都係我响近鉄的EXTRA BOUNS. 雖然哥哥都會見面, 但係… 始終無現在咁多, 唔會由朝見到晚, 咁… 其實都有好有唔好, 不過辭職初期一定會唔習慣, 所以我其實想搵一份工响附近, 最好就係「新都會」, 夠方便嘛, 呵呵, 我之前都APPLIED過一份响新都會既公司, 但係… 就無回覆!!! 至於阿儀同Benjamin, 可能都會keep住聯絡, 但係… 一定會好少, 而且會越來越疏遠!!!!

其實公司係唔係真係咁想留我呢??? 佢竟然可以提出一個方案 – 返學日子我可以早返工早放工, 只要工作時間足夠就可以, 其實哩個都幾吸引, 因為公司竟然可以作出咁既讓步留人, 呵呵, 其實都幾可悲. 我都有諗過點解公司會黎我, 我表現不好, 又要經常準時收工, 再加上又唔係公司不可缺少的員工, 點解佢會留, 係禮貌上… 還是… 公司正在打仗, 唔想响人事上再加添煩惱呢??? 真係唔係好知佢想點. 一係我就自大d咁諗, 近鉄請唔到d「有質素」既人, 呵呵!!!!!

放工同哥哥一齊四圍去, 好野!!! 今個星期只有哩個機會, 下一次要去到下星期日了, 所以… 今日要拖住佢, 唔可以比佢「走」………失, 呵!!!! 佢今日竟然「帶飯」, 呵呵, 係「帶飯」, 星期六帶飯唔係一個問題, 但係… 同我一齊去反竟然…, 所以… 我要「懲罰」佢 – 衰人!!!!! 去完佐敦, 再到荃灣買佢房間的傢私, 最後就到他屯門的家, 係學日文既時間, 好野!!!!

九點左右就回家, 只係用左45min就番到屋企了, 覺得好快!!!

P.S. 今日收到學校比既通知, 5月又要交學費, 突然之間後悔今日既決定, 好彩既係只係維持左十秒左右.