今個星期六唔駛番工, 實在係太好了, 因為我自己好攰呀, 好鬼眼訓, 所以今日唔駛返工對於我黎講… 絕對係一件好事. 話說今日八點幾就起左身了, 已經PLAN左一個星期了, 誓言今天要踩單車到馬場, 呵呵… 其實有少少唔願意架, 但係… 我一早就PLAN左咁做… 就要做, 唔可以成日都係講下就算, 所以十點就去左踩了, 經過顯徑再踩到第一城, 原先計劃踩到馬場, 但因為體力不足的關係, 只好在第一城調頭.

踩了個多小時後回到家中, 先打個電話比哥哥. 今早亦都收到一個電話, 就係星期二可以去觀塘2nd interview, 好嘢, 好開心呀, 2nd interview雖然唔代表佢會聘請我, 但係… 係成功既一半, 而且… 亦都代表我既表現係會令interviewer對我產生良好印象, 所以… 即使失敗… 對於我黎講, 都係一個得著!!!!

今日約左哥哥去灣仔拎日文試既成績, 結果同我預期既一樣, 係唔合格架, 所以… 今年又要去考過了, 真係麻煩!!! 我地今日去左灣仔睇玩具, 越黎越鐘意睇玩具了, 我覺得好得意呀, 以前一直都無留意過哩d玩意, 現在才開始睇… 應該仲未遲既. 好快就睇完了, 之後就係行去好多人既銅鑼灣, 留左一陣就走左了, 呵呵!!!!

因為哥哥今晚有約, 所以… 我陪佢去荃灣後再自己搭MTR走, 其實本來係响太子就轉車了, 但係… 我選擇了陪佢到荃灣才各自各回去, 因為… 我唔捨得佢呀, 我發覺自從上星期日以後, 大家雖然每天都相見, 但係… 就只有今日才能夠有所接觸, 相隔實在係太久了, 所以我想多留在他身邊一會.