又再到星期六了, 又係同哥哥出街既日子, 唔知點解今日無乜特別既感覺喎, 可能因為星期三見過佢既關係, 哈!!!! 早上上班, 估唔到星期六既早上… 係可以閒過返近鉄架. 早上同同事研究左一陣NDS, 之後就上網DL GAMES玩, HAHA, 正!!! 雖然好似好多野咁, 但係… 其實都好難捱呀, 右搞搞, 又搞搞先至到十二點. 大約到左十二點, 就開始同YUKI傾計了, 好耐無同佢傾計了, 真係開心, 之前都好少有咁既機會傾, 因為… 一係佢忙, 一係就我忙, HA!!! 可能因為佢剛考完試, 所以… 可以跟我閒聊!!!

話說同佢講起近況, 關心地問起阿健及阿儀, 真係失敗呀, 平時… 會盡量避免跟從前是一對的… 一起提, 以免因為資料不夠UPDATE而產生尷尬, 但… 今日的我… 卻如此魯莽地… 一起提及, 真係失策!!!! 好彩唔係同當時人提及, 哩一點係我既好彩!!!! 另外, 竟然會在對話中提及哥哥, HA!!!

除了YUKI外, 就係被我號稱的「近鉄唯一」的Stephen, 跟佢聊了一陣, 我諗佢只有星期六才叫做得閒少少, 所以… 每每… 我都係等到星期六… 才跟他聊吧!!! 原來佢快要回ATL了, HAHA, 其實應該係開心既, 但係… 佢番到去ATL都唔知有乜野做… 應該會悶死, 所以.. 我就趁機叫佢離開, 佢… 留响近鉄可以話係浪費時間, 咁樣… 不如出去睇睇, 好過留响度浪費時間, 哎~~ 真係悲, 我都話… 近鉄越做得耐, 個人就會越頹!!!!

跟STEPHEN講左一就到一點了, 趕住走呀, 約左哥哥, 邊個都唔可以阻我呀, 包括那位「近鉄唯一」!!!! 離開左公司就係… 搭MTR了, 剛好去到荔景, 哥哥就到左了, 好嘢好嘢, 不用下車就可以見到佢了, 見到之後立刻拎本新既日文書比佢過目, 嗯… 佢都話不錯, 即係唔錯了, haha!!!!

今日既節目係先到哥哥家中, 做功課, 再到市中心食晚飯及mp3, 辞書!!! 在哥哥家中真係好舒服呀, 好靜又可以有自己既空間, 電腦, 電視, 打機, 聽歌, 乜野都可以响佢間房搵到, 除了鉛筆, 我開始懷疑佢係唔識寫字, 如果唔係… 點會搵一支鉛筆都咁難, 仲要出動埋… auntie(哥哥媽媽), haha, haha!!!

晚上…食左格仔餅呀, 好開心呀, 因為好耐無食過呀, 雖然味道不及小販, 但係… 都不錯吧, 真係唔錯呀, 大家食完之後, 就行左一陣了, 哥哥買左件衫呀, 好型好型呀, 佢著到件衫好型呀, 我覺得… 哥哥好似比三個月前… 吸引左@型左, 點算好呢, 點算好呢?? 感覺受威脅… haha, haha, haha!!!!!

估唔到我… 今日... 都有收獲, 就係一部新既mp4, haha, 其實想再過多兩個月先買, 估唔到今日就買左了, 算吧, 反正… 今日買同兩個月後買, 都係一樣, 早兩個月用仲好啦, haha!!! 好開心咁買完mp4先至記得… 今日行街既重點係… 買辞書,忘了… 真係煩!!!! 唯有下星期再去睇睇.

大約十點半左右就會到家中了, 沖完涼突然覺得好眼訓呀, 係好鬼嗰隻, 一上床, 就訓得著嗰隻, 仲有就係對腳攰攰地.