今日大約九點鐘起身, 其實都比一般的遲了一點點. 約左凱林十點响沙田食早餐. 其實我自己都好少出街食早餐, 因為… 大多數都係响屋企有野食, 以前返工, 極其量都只係… 叫外賣, 但… 都只是偶然的一次吧.

今日真好彩, 在小巴站排了不久就有車了, 呵呵, 真開心. Join 埋凱林後, 我地就搵野食, 最後我地來到最超值既大快活, 沒想到… 大快活的早餐比想像中還要好食吧. 份量大就唔駛講, 最緊要係… 幾好食. 話說我叫左一個價值$21既早餐 – 美國雞蛋、方包一片、炸魚柳、皮蛋瘦肉粥及熱檸茶一杯, 份量真係相當大, 所以… 我覺得係超值之選.

食完後, 我地就去買飛睇戲. 原本打算睇「愛情大爆髮」, 但係… 去到之後, 我地就改變左主意了, 因為… 有一齣新上畫 – 愛上斷背山, 係一齣搞笑喜劇. 它不是一齣好好的電影, 但… 卻可以令觀眾大笑一餐, $45… 都算抵!!!!!

我地今日行左整個新城市廣場呀, 真係好開心. 其實好耐都未同過凱林行街了, 所以… 感覺都不錯吧. 今天從早到午都跟凱林一起, 亦都見證著新城市從早上少人到人流不斷增多的下午吧.