母親節, 又到左母親節了, 時間真係過得快呀, 咁… 又一年了, 好彩我有寫日記, 現在… 即時睇番上年既母親節我做過D咩黎, KEKE… WAIT…睇完了, 原來… 上年係去左顯徑食飯, 再上年就係又一城意大利餐廰, 寫日記就係有哩個好處, 因為可以知道自己… 某年某日做過既野, 唔駛下下都要靠記憶, 文寫可以幫助自己恢復當日大部份既記憶, 估唔到上年… 我都係忙緊做功課, 今年都係一樣吧, 但係今天… 我就認真得多了, 因為… 我先係自己研究, 雖然唔係好勁, 但係都叫做自己研究MA, 所以都幾唔同架, 之前成日都無心機做功課, 但係… 現在我就超有活力去完成佢, 真係好難得.

今日朝早起身, 真係發覺頂唔順自己厚厚的頭髮吧, 真係要去剪了, 所以十二點就走左去剪了, 都唔係好多人, 因為自己都係修修佢姐, 所以.. 好快就剪完了, 哎… 佢加左价呀, 仲係加左$30, 原本已經好貴架啦, 但係.. 現在就梗貴, 好彩自己人工都加左姐, 否則… 真係負擔唔起. 剪完之後, 見過身仲有錢淨, 可能唔係太舒服呀, KEKE, 所以順道走去買左個蛋糕比媽咪, 其實都係D CHEAP野黎架姐, 但係… 我就覺得好味過美心了, 可能我一响都只係欣賞美心既西餅, 所以… 先會有哩個感覺吧, KEKE.

今日全個下午除左係睇電視之外, 都用左好多時間黎估功課架, 開始有少少頭緒了, 但係.. 今日都只係完成左三條, 還欠三條, 其中兩條係寫字, 所以… 會好少少, 其實我係希望明天可以完成架, 但係… 可能都”窄窄地”,  但係… 都要努力少少囉, 因為黎緊要好好咁分配時間, 因為接下來係有兩科考試, 唔可以只顧功課架, 所以… 我決定明天先睇一DAY MARKETING, 只係一DAY, 因為… ORGANIZATION早考少少, 鬼叫自己唔係好識MARKETING 咩, 所以… 要先溫, 等自己有個初步印象.

終於忍唔住了, 今日同大家約好… 星期二再出黎傾傾份assignment, 大家都好似一頭無緒, 有好多唔同既答案, 所以… 一定要約出黎, 傾傾.

P.S. 今日午訓左半小時, 搞到現在差不多一點… 都訓唔著, SHIT, 唯有睇戲吧