今日係一個好開心既星期日呀, 因為哥哥今天會為我慶祝生日, 所以份外的開心吧. 昨天晚上真係有少少嬲嬲地, 因為哥哥工作到差不多十二點才離開, 所以… 我越來越懷疑近鉄員工的工作能力了吧. 其實我並非因為佢夜收工才有這樣的反應, 只係… 我覺得哥哥身體已經不太好, 但… 星期六都做到咁夜才收工, 一D都唔顧住自己身體. 所以… 昨天通話的言氣都比較重吧, HEHE!!!!

話說今日早上一早就醒來了, 我既例排節目就係… 睇電視吧. 今日睇左好多, 包括「爸爸閉翳」、「味分高下」及那齣台劇 – 「花樣少年少女」. 其實都係等緊哥哥個電話, 因為… 我唔想吵醒他. 大約十一點多, 佢就打電話比我, 我仲同佢傾左一陣計, 呵呵, 無幾耐我地就將通話轉移到MSN. 呵呵, 事原係… 佢問我幾點去佢到, 我就叫佢摺好被, 我先出去, 呵呵, 我又叫佢影相比我做證, 點知… 佢影左好幾個小新公仔比我呀, HAHA, 我好開心呀, 呵呵. 因為… 每一個小新都好可愛吧.　

哥哥影左好幾將相比我呀, 好得意呀, 現在小新同之助都做左大哥大呀, 呵呵, 好多BB仔小新呀, 我突然覺得自己要搵好多錢比佢地呀, 呵呵, 現在諗諗下… 哥哥都要負點責任吧, HEHE, HEHE!!!!

為左早一點見佢地(當然包括哥哥), 我睇完D相… 無幾耐就出左屯門搵哥哥了, 呵呵. 見到了, 見到了, 哥哥今天沒有特別的靚仔, 但係… 就好吸引吧, 呵呵, 難度哩D就係佢獨有既魅力???? 我地行左一陣, 我仲食埋野添, 無幾耐就去左哥哥家姐既新屋度玩公仔. 好得意呀, 真係好鬼得意, 比响相睇到的梗可愛吧, 尤其係一SET三隻既小新@正男 + 阿呆, 原來哥哥唔識佢地架, 仲叫阿呆做「傷風」, 呵呵, 真係好搞笑呀, 哩一式三隻, 係叫做DO(小新BB), RA(阿呆), MI(正男), 呵, 係依佢地既可愛程度黎分辨吧, KEKE!!!!

玩完一陣公仔了, 我地就响度玩陣再睇戲, 係賭俠, 周星馳D戲幾時睇, 睇幾多次都一樣係咁好笑吧. 幾好睇. 哥哥真係好鬼衰架, 佢話同人落街食, 點知… 原來買左個蛋糕同人家一齊食吧, 死人頭, HEHE. 其實… 每年媽咪都會買蛋糕返黎食, 即係話…. 今年我有兩個蛋糕食哦, 真係好開心. 哥哥成日話自己唔識TUMP女仔, 但係.. 我就覺得佢好勁呀, 因為… 佢令到我今日好開心呀, 呵呵, 佢真係令到我今年既生日特別開心. 我既選擇真係好明智吧. KEKE.

大約八點幾食完蛋糕, 我都差不多要走了, 因為明天我第一日番新工呀, 呵呵, 我都現在還未開始驚起來吧. 所以… 我開始壞疑自己係唔係轉工轉到麻木左, 呵呵… 點解會未開始驚呢????

臨走既時候, 哥哥買多個袋送比我呀, 係哥哥揀架, 佢揀完再問我鐘唔鐘意, 佢真係幾有眼光吧, 我都幾鐘意個袋呀, 幾好款, 明天我會帶佢返新工, 咁… 咪等如同哥哥一齊番工??? 我咁樣同個衰人講… 佢話… 咁咪又等如送我番屋企囉, 哼哼哼.

今日就咁樣結束左了, 真係開心, 其實年年生日都真係好開心架, 我記得上年係同近鉄同事去海洋公園, 再上年係同DAISY去大澳 + 凱林沙嗲王晚飯, 所以… 都真係唔錯, 每年都有朋友為我慶祝, 今天更加係… 男朋友吧, KEE!!!!