母親節, 今日係母親節, 其實都無乜特別, 都係好似往年一樣, 大家一齊食餐飯吧, 但係… 我地今年完全係唔知去邊度食好, 無意見吧, 所以… 可能都只係去附近食吧, 唔會出去食了, 上年好似係去意大利餐廳, 今年可能只係留响隆亨邨食!!! 話說今日都無乜野做過, 唯一值得提一提既係… 我今日好努力咁做日文功課, 我份product & price assignment 還未做, 因為無乜心機呀, 近排都冇乜心情, 其實我好想放時間响marketing度, 但係… 真係唔多願意, 每每遇到哩個情況, 我都會暗地裏不開心, 覺得自己好失敗… 慘…慘…!!!!!
今日努力做日文功課, 但係… 因為太太多了, 所以… 做不完, 留番最難既遲少少先做, haha, 因為… 真係好難呀, 越來越難了. 係喎, 今日… 令我最開心既就係… 食雪糕, 好耐無食了, 昨晚回到家中見到有盒雪糕, 真係好開心, 因為突然想食, 意欲延續到今午… 終於結束了, 因為… 我已經食左了, 呵呵!!!!
今晚餐飯竟然出奇地响顯徑進發, haha, 好似好耐未試過去顯徑食晚飯了, 小學年代… 好似都黎過顯徑食超羣快餐, 其他的… 就好似無印像了!!! 哩間係新舖頭, 同埋都好似幾多人咁, 其實可能係因為今日度度都會多人, 所以… 哩度都多人左.
|
