今日係第三晚上堂既日子, 開始感到有少少攰了, 本來想break既時候走人, 但係最後都無, 哩d就係叫做堅持, 就好似raymond既挽留一樣, 其實都真係幾吸引, 但係考慮到工作性質…, 實在係唔想再繼續下去, 所以最後都以一句「想嘗試新工作」為理由, 佢就正式接受了我的辭職了. 其實真係好鐘意哩到, 有得玩, 返學日子重可以早少少放工喎, 除左kwe, 就真係唔知邊度可以搵到哩d公司!!!!

話說今日都真係非常閒, 同埋自從遞左信之後, 唔知點解發覺自己已經無乜動力去努力工作, 天天都準時放工, 若不是因為返學, 我諗我都會照樣的準時走吧, 變懶了!!!! 其實今日好想同哥哥一齊走架, 但係… 佢好似有野做, 咁就費事煩住佢啦, 成日都覺得佢好鬼攰, 所以我今日落左個”Booking”, 要求佢明天陪我一齊返學, haha!!!!

今日好想放學, 真係好想, 因為自己好攰呀, 好彩自己用左大約五至十分鐘既時間訓一陣, 之後就好精神了, 不過放學就真係好攰, 電腦唔想開, 電話唔想傾, haha, 晚上晨早熄手機, 所以哥哥應該打唔到比我吧!!!! 但係我就開左電腦同stephen傾左一陣, 其實都係佢叫我先, 係第一次吧, 佢竟然知道我resign既事, haha, 真係搞笑, 好彩唔係其他人講, 只係d高層話比佢知, haha, 初初我都扮傻, haha, 但係同佢講都無乜所謂, 因為佢係一個信得過既有質素人事, 所以… 同佢講講… 都無問題吧, 只要唔係阿浩or ALE知, 就無問題. 我要刻意的讓他們最後才知道, 所以… HAHA!!!!!

太攰了, 好眼訓!!!