好慘呀好慘呀, 我今個月原來只係寫左兩日日記咋, 其實今個月發生既事唔係好多, 都係有關於上班、上學等等無聊野, 但係… 我就好想將佢記下來, 其實期間都有好多事我想記綠下來, 但係… 功課真係令我無時間寫, 攰到死, 就算真係可以抽到時間, 都唔想再對住電腦. 十天內四份功課, 晚間做功課做到比人趕出街, 三晚總睡眠時間不到十四小時, 做功課捱病同埋好想喊, 天寒地凍一個月內三次因為遲起身而請假 + 半DAY既病假. 好多好多, 今個月真係好多野想記底, 但係… 真係無時間寫, 現在叫做有少少時間, 但係… 過去的… 又點會記得咁清楚喎!!!!

忙碌、充實都可以用來形容過去十多天所做的工作, 但… 真係… 好難頂架!!!!

晚上因為無飯食既關係, 所以同BENJAMIN & 阿信一齊去葵芳食飯, 係好好味既担担面呀, 不過今日好似無咁好食. 食完之後就去左新都會行左一陣, 順路睇睇N73, 終於好似跌左价了, 係時候考慮出了, 呵呵, 睇下星期五會唔會去出!!!!