開始又步入淡季了, 工作量不太多, 所以今日可以準時走, 目的係為了學日文吧. 同阿儀一齊行去荔景地鐵站, 阿儀都要返學呀, 原來佢都係同我一樣係讀marketing呀, 所以… 可以大家share learning materials, GOOD!!!!

今日好早就去到火炭, 可能係因為行路出地鐵站, 成日都覺得搭車出對美孚MTR係慢D, 自己又唔可以控制喎, 所以… 盡可能我都想每次行路. 我希望可以由現在起, 放工都行去荔景, 因為天氣開始涼, 空氣無咁污濁, 行出去都OK. 當然既係… 要視乎當日天氣狀況及放工時間而定.

最近都比較少上網, 因為自己根本唔想玩MSN, 好似好無聊咁, 又唔係好想睇電視喎, 只係想溫MARKETING. 其實都應該溫日文架, 因為2-DEC就考試了, 到時都唔知點算呀, 我諗都多數都會選擇逃避吧… 真係唔識呀. 

P.S. 距離我既目標離職日期隨著開學的來臨而迫近, 唔捨得!!!