今日既工作量可以話係承接著昨天的忙碌, 可以話係上星期太過HEA了, HEA到上網都上到悶, 但哩兩日就多野做左, 其實時間都係咁過姐, 不過… 當然既係… 好容易就到放工時間. 平時差唔到六點手腳都會變得快, 但係… 今日就沒有明顯的分別了, 因為… 自己離開公司既時間都仲有一段距離嘛, 所以… 都費鬼事咁趕. 其實可以早少少走既…, 但係積左大量既報關未做, 所以想清哂佢, 但… 結果都係清唔哂, 因為自己見到ALEX走, 而自己又SET左離開公司既時間喎, 所以… 在他離關不久而報關文件又未清的情況下… 我選擇了離開!!!!
估唔到… 放左工都可以有野令到自己發火. 話說今晚要到紅磡HKMA拎野, 但係… 自己又唔識去喎, 於事走去問阿浩, 多口既JACKY就話可以搭巴士45號去到, 咁我信佢啦… 無奶油唔信佢姐, 佢又好肯定咁同我講, 响家維邨度落就OK(我要一再強調我係完全唔識去). 佢又話佢阿公住响家唯邨, 所以都會搭去. 點知… 我搭車去啦… 等極等極都見唔到巴士個顯示屏寫住「家維邨」, 係咁坐係咁坐, 點知… 就坐到總站先落車, 真係激死我啦, 去唔到唔係一個問題, 但係佢又叫人地响家維邨落車, 根本就無一個咁既站名.
我係响九龍城碼頭落車, 那裏好大風再加上係漆黑黑的, 我完全無去過既地方, 身無分文(好似有$2-3), 八逹通無哂錢, 見唔到有櫃員機, 個肚仲有少少餓, 好彩自己夠冷靜姐, 跟住d光走, 雖然可以去到大路, 但係… 我真係唔知邊度會有車搭番出去, 不過, 最重要既係… 無錢!!!!
好彩去到一間OK作面有櫃員機, 可以拎錢. 之後就走左去一間唔知咩既茶餐廳食野, 中規中舉吧. 食完飯, 另一個行動就係搵巴士站, HAHA, 誤打誤撞都搵到喎, 真係好彩!!!
|
