今日可以話係難得的星期六, 可以見到好多好耐無見既同學仔. 話說今日下午本來係去BBQ既, 但係因為唔齊人, 有D又話要早走, 所以就臨時取消了. 我同YUKI加埋好耐無見既GIBERT一早去到大埔火車站, 本打算邊燒邊等人, 但係… 因為好多既原因… 最後取消, 然後去左一間上海食店午膳, 哩間野唔係好多人食, 初初都有少少驚架, 因為太少人了, 但… 入左黎就無謂走返出去, 所以大家各叫左一碗面, 再加一個小竉包同鍋貼, 樣樣都係熱騰騰的, 最合我心意. HA, 原來GIBERT都有玩NDS架, 我立刻叫佢借我玩啦… 怎料我玩上癮呀, 仲好想即刻買部添, 我越來越覺得自己手指好「鈍」, 顧到左又顧唔到右喎, 真係好搞笑呀, HA!! 真係好好玩呀, 我玩到唔停手, 唔似玩PSP既時候, 雖然都好想玩, 但係… 就無哩一種感覺, 所以… 我決定買!!!

食完CREAMY同佢男友就JOIN埋我地一齊行街, HA, 隨後又等埋TIFFANY + 珍珍, HAHA!! 總算見過面, HA, 見到大家其實真係幾開心, 諗番起以前的日子, 就真係無得頂呀, 又開心又舒服, 邊讀邊玩, 真係快樂不知時日過, 與現在的生活… 簡真係無得比!!!!

今日行街… 旱有地有收獲呀, 買左一件褸冬天著, 太好了!!! YUKI都有收獲吧!!! 行完街買完野就同YUKI走左去太和, JOIN凱林、JEFF、阿彤、阿儀同阿健, 一齊去阿彤屋企打邊爐!!! 打邊爐都真係幾方便, 只要有湯底, 再將食物煮熟就OK, 真係好方便, 經濟實惠!!! 食過飯後, 就係打一陣麻雀, 其實大家都係想消磨時間姐!!!

今日見到YUKI, 阿儀同阿健, 都發覺他們變了, 又或者唔係用「變」黎形容, 應該用「成長」會比較好, 成長係一件好事!!! 見過大家又覺得自己好鬼「差」, 大家都快畢業了, 自己卻只是起步, 所以… 我要努力, 加快步伐!!

晚上回家其實都幾攰, 但係… 開心必然會有副產品既!!!