今早因為遲了起床所以早上沒有上班. 哩個星期實在係太攰了, 我一向都話 – 「通宵一晚, 便要長眠一星期」, 這句話是沒有錯的!!!! 自從星期日晚失眠後, 我每晚都好早訓, 但… 每朝都懶床不起, 我連lunch的時間都拿來午睡, 哎… 真的老了!!!!

其實遲左少少返公司都可以既, 只要在十一點前返到便可, 但… 我又不甘心放棄那$100, 我寧願放半日, 都好過比佢扣起$100, 反正我有又假, d假期留响度都無用架啦, 唔咁樣用, 都唔知留黎做乜東東!!!

沒有上班, 我過左一個五星級的早晨, 先是歎早餐 – 真係好耐未試過晨早到茶餐廳食早餐了!!! 來了一個沙嗲牛肉米(Brian介紹) + 煎雙蛋拼牛油方包及凍鴛鴦, 實在係太過豐富了, 所以好飽. 回到家後, 跟媽咪上山走一趟, 做下晨操吧, 認真「寫意」!!!! 隨後再銀行搞搞提款卡 + 買保險, 終於買了, 唔駛再煩!!! 一搞就搞左整個早上, 連忙回家換衫上班!!! 隨後到了銀行換領提款卡及買保險, 終於唔駛再煩了!!!

下午剛好在二點前回到公司, 沒想到回到公司各人都對我說alex好忙, 其實我有少少感到出奇…, 點會忙呀, 都唔係好多野姐, 即使有我既存在, 假如係忙的話… 佢都係會咁忙, 我留下的工作就只係入幾份inhouse, 很簡單, 根本唔會導致忙碌, 最多都係比wendy煩下, 但… 竟會有這樣的結果?? 我想像不到!!!! 唯有晚上幫幫手做夜少少啦!!!!

星期五晚做到九點鐘後, 的確唔係咁願意, 但為了彌補今天突然請假的前因, 點唔願意… 都要做既!!!! 結果十點才離開公司, 其實我有少少驚自己會做錯, 因為outhouse始終唔係我既主要工作嘛, 所以我已經刻意的做慢一點, 但… 出錯雖然可以分多少, 但係「錯」就係錯, 「一個錯」同「十個錯」都係錯, 响我既立場來看是沒有分別的!!!!

註︰今天我的的確確是遲到, 並不是突然的interview, 請不要胡亂猜測!!! 日記… 是不會講大話的, 最多最多都係將日程選擇性地記錄, haha!!!!!