真係好耐都未試過通頂了, 其實自己都唔係一個鐘意通頂人, 但係往往都會令自己造就一個完美的黑眼圈. 凌晨五點幾至訓, 估唔到十點半就起左身, 真係唔願意呀… 人家想訓到十二點嘛, 但… 自己又真係訓唔著喎. HAHA… 一個星期了, 我足足一個星期沒有返屋企食飯了, 呵呵, 其實唔係刻意架, 咁係咁啱唔可以返屋企食姐, 日日唔係OT就返學, 又要去睇醫生, SO… !!

雖然係咁, 但係… 我每日都會帶飯架, 所以…. 都算叫做食下媽咪煮既餸, 其實我咁樣… 係折磨緊自己… 定係媽咪呢??

今日我突然之間想買電腦, 所以就約左MING約五點响電腦商場等. 其實我今日係轉登咁遲先去, 因為咁樣就可以避過食飯時間了, 我要堅持一個月唔番屋企食飯… 就算响屋企, 都要另外自己煮面, YEAH, 要成功就要… 學會尊重自己及堅持, YEAH!!

原本打算去旺電度買架, 但係… 因為MING個FD話唔好, 去豐澤OR百老匯好少少, 所以.. 臨時轉軚去左豐澤買. 因為KAYAN識人可以平少少, 所以臨時叫佢幫幫手, 呵呵, 真係OK, BUT… 就用左好多時間去買, 我大約九點左右先至可以拎部腦走. 今日真係多謝MING陪左我一齊去買, THANKS!!!

P.S.  上星期哥哥話兆萬有小新公仔買呀, 但係… 搵唔到, 可能註定我係買唔到吧. BUT OKAY, 我不會強求, 要成為我身邊的竉兒… 唔係咁易架, 呵呵.