今個星期又有一日公眾假期了, YEAH. 但係過左今天之後… 要等成個月先至再有公眾假期了. 真係慘. 今日係清明節呀, 所以要去拜山, 年年都係咁架啦, 呵呵, 所以都慣左, 其實我覺得可以响香港拜山已經係好好既事吧, 因為… 眼見好多人都要番大陸… 實在係太太辛苦了, 今年羅頌都會返去阿陳個鄉下拜山, HAHA!!!

沒想到今年的拜山人士係多左咁多架, 條小巴隊好鬼長呀, 我想應該有二百多人吧, 我地等都等左成個鐘至可以上到富山吧.阿叔佢地例排遲到, 但係因為人太多了, 遲到都無所謂, 沒想到在英國讀書的堂妹 – 芷欣都會出席, 呵呵, 成年無見了, 其實我唔係好在意, 因為… 我地一向都無乜兩句. 大約三點就完成了, 我同羅德、楊曉君一齊去大圍換西餅, 其實… 我自己真係好攰架, 唔想去, 但係… 唔去又無人去, 所以… 就行左去了.

唔知點解最近都好鬼攰呀, 可能係因為最近公司太忙了, 好多時都八點才收工, 我自己夜晚又唔願訓喎, 所以… 搞到咁, 個死人黑眼圈走鬼左出黎呀, 以前都唔會架, 我唔知係我既問題… 定係因為年紀大了, 所以… 少少野都會搞到有黑眼圈, 我自問已經好守規舉吧, 盡可能的情況下… 都會避免出過多的夜街及通頂, … 可能真係年齡問題吧, SHIT, 最近自己都會特別注重皮膚吧, 因為… 最近食左好多熱氣野呀, 所以… 都會每星期抽一日寶貴既時間黎做做MASK. 其實我應該努力少少, HEHE!!!!!

今日要去嘉莉姨度覆診, 佢今日真係好多人呀, 鬼叫佢去成個星期台灣旅行咩, 個個都會迫住今日睇佢, 我都因為咁… 多開了一張藥方給我, 我覺得近期好似無乜進展呀, 開始有少少灰咁, 但係… 點都好啦, 我會堅持相信嘉莉姨架, HEHE.

下午食完拜山既祭品之後, 實在係飽到上心口, 一來遲食(約三點幾), 二來係持續進食, 所以… 都唔係好餓, 但.. 今天食齋的媽咪, 七點就話要去食飯了, 雖然… 我真係好鐘意食泰國野, 但係… 我都真係食不下了, 所以… 唯有缺席, 其實… 我真係好想去, 因為姑姐一場黎到… 唔去好似好唔比面, 但係… 自己真係食唔到了, 無謂去到硬食嘛. HEHE!!!!