今日係四年一遇o既2月29日，亦一直係我心目中全年中最美麗ｏ既一日。好開心呀

最近呢幾日實在係好攰好攰好攰...日日都起碼4、5點先訓...有時第二日要考試，書又未溫晒，訓又訓得少，真係有一刻，覺得自己會捱死= ="加上呢幾日屋企冇人，話就話係慣左，冇乜感覺，但當夜闌人靜ｏ既時候，始終無法掩飾寂寞ｏ既感覺。好在呢兩日考完試可以見下d friend...好似琴日咁，同師父ｏ係屋企食野傾計打機直落...哇~我真係第一次同個fd咁樣玩到咁夜...有一種特別，難忘ｏ既感覺...雖然好攰，但係做人至緊要係咩呀??~~~開心!!我好開心可以盡情玩啊~希望師父都可以快d開心番啦

今日呢...同sally去尖咀狂掃零食!!!好幸福啊~~不過呢近牌成日零食當正餐，再係咁睇怕我遲d見到咩零食都想嘔

而今晚呢...最好可以訓番一覺好架啦~

未來幾日趁我冇人管,梗係玩多陣先啦!

至於玩完之後.......真係要好俾心機溫書啦...a-level...機會只得一次。

加油啊~~~