＊15/05/2009
今日心情真係麻麻地 , 一黎個心因為d事忐忑不安 , 想行一行開 !
二黎真係想所有事情都簡單d ... ...
三黎個身體又開始唔舒服 , 老實講 , 我真係好唔鐘意睇醫生同好唔鐘意食藥 !
有時真係好矛盾 , 個心根本定唔到落黎 !
我發覺我有時真係好容易諗埋一邊 ,,, ,,, 究竟點樣先可以生活得開心d?
我諗首先要過得開心 , 一定要有錢 ! 開始同意呢句說話 !
有人話 : 有錢唔係萬能 , 但冇錢就萬萬不能 !
用金錢建築快樂泉源 ,,, ,,,
如果當初有錢既 , 就唔使再病發多次 !
如果當初有錢既 , 家庭就少佐一份爭執 !
如果當初有錢既 , 就唔使被迫輟學 !
如果當初有錢既 , 就可以令自己段愛情浪漫d !
如果當初有錢既 , 就唔使做傷天害理既事 !
講到底 ,,, ,,, 都係錢 !
當然以上既事 , 我未試過 ,,, ,,, 未經歷過 !
但 , 我都同你地一樣 , 將來要為錢o係社會上穿梭往來 !
o係你既身邊有冇呢d例子 ?
有人話 : 人越大 , 越將金錢看得重要 !
有人話 : 錢買唔到真正既快樂 , 買唔到真正既朋友 !
有人話 : 勞碌一世 , 成為錢既奴隸 !
其實今時今日 , 有邊個有咁豁達胸襟可以將錢看輕 ?
自細就知 , 糖係用錢買黎既 !
小學開始知道 , 每次搭車都要入散銀 !
小五知道 , 同同學仔出街 , 每張YES卡都要用$1去抽 , 然後儲起一大堆 , 原來係唔值錢 , 係會out既 !
中一知道 , 原來每個月要用錢換個飯盒返黎 !
中二知道 , 有人會用自己肉體去換取金錢 ! 但我唔明白 , 係咪真係咁等錢使 ?
中三知道 , 同男仔去街 , 男仔唔可以冇錢 ! 佢地教識我 , 拍拖仔唔可以冇錢 ! 而做男仔就更加唔可以 !
中四知道 , 有人會捱成個月lunch唔食野 , 而去買一個低級名牌銀包 ! 值得咩 ?
中五知道 , 連CE張紙都要用錢買返黎 ! 每一科都要俾錢去考 ! 每一科都要俾心機去考 !
依家知道 , " 錢 " 對香港人黎講真係好重要 !
但 , 千祺唔可以因為追求更多金錢而忘記自己既本性 !
用自己每一分精神每一分血汗搵返黎既錢先會覺得自豪 !
不過 , 好幸運 , 由細到大我都未為錢而煩惱過 !
因為
有人話 : 前人種樹 , 後人乘涼 !
呢句說話係冇錯咖 ! 同等道理 ! 所以要努力 , 為既唔單止自己 , 而且包括自己下一代 !
[ 
