＊04/06/2009
今日 , 係開心既日子 ! 同信哥哥識佐 , 真係好多年 !
見過佢開心 , 傷心 , 為朋友既事感到煩惱 ... ...
尋晚 , 因為個party , 所以見返好好耐冇見既朋友 ! 好多人 ... ...
一開頭 , 阿b同我玩大話骰就想灌醉我 - 啤酒溝chivas
接住 , 阿的 , 阿均都係 ! 哈哈 ... ...
放心啦 !
到佐3點 , 阿bee突然間話要走 ! 我唔明 , 點解阿bee同阿信咁fd , 會早走呢 !
之後 , 阿bee見到我 , 同我講野既時候 , 就係佢走既時候 !
佢講佐好多我唔明既野 , 咩好難先出到黎 , 咩男朋友唔俾 , 咩男朋友唔會放過佢 ........
一大堆 ! 乜佢同柏寧散佐 ? 點解我唔知 ?
之後佢攬住佐我喊 , 從佢既語氣中 , 我知道事情唔係咁簡單 !
佢唔俾我送佢落去 , 亦唔俾我送佢去"車立"口
柏寧第一次求我 , 要我送佢落去 ! 因為佢唔方便出面 !
阿bee笑住黎 , 喊住走 !
冇錯 , 尋晚真係好開心 , 大家都帶住祝福過黎 !
但係 , 就係有一個人 , 就係呢一個人 , 破壞晒成個氣氛 !
一入到黎 , 發癲大嗌 : xxx , 你同我出黎 ! 邊個係xxx就同我出黎 !
來勢洶洶 , 但就得一支公 !
大家都唔知邊到放佐隻癲狗入黎 !
一開頭 , 個個都同佢吵得好勁 !
甚至想郁手 !
搞完一大輪 , 我get到 , 個個可能就係阿bee既男朋友 !
點解 ? 點解佢面皮可以咁厚 ?
阿哥同柏寧都叫我唔好衝動 , 佢地拉住佐我 !
但我個心係明白 , 我唔拉阿bee過黎呢到 , 個癲佬係會打佢 !
搞佐成粒鐘之後 , 阿bee入到黎 , 喊到真係好淒慘 !
佢話返俾我聽 , 呢個男人一開頭唔係咁 , 但之後就 ... ...
check手機sms + 通話 ! check MSN 通話 ! 唔可以買佢唔鐘意既色既衫 ! 唔可以化妝 ! 著乜佢都要理 ! 所有錢都係佢管 !
唔可以去街 ! 返咩工都唔鐘意 ! 甚至打過佢 ! o係阿bee boss面前打佢 ! 搞到屋企人都好擔心佢 !
同佢一齊完全冇晒自我 , 冇晒私隱 !
當然 , 呢個女仔可以一走置之 ! 但可惜個癲佬知道晒佢住邊 ! 知道晒佢前男友 - 柏寧住邊 !
可以點 ?
我真係好想話俾大家知 ! 鐘意一個人唔係咁咖 !
令對方開心係首要既 , 亦係主要既 !
一諗到對方會開心 , 我可以放手俾佢走 ! 只要第2個女人/男人對佢真係好既 , 佢真係會開心既 ! 我唔介意 , 你同我係咪一齊緊 !
只要個心有呢個人就夠啦 !
尋晚大家都好開心 , 但係 , 就有d男人令我感覺唔係幾好 !
尋晚我終於知道一個女人 , 身邊五六個人追既感覺係點 !
對唔住 , 畢竟大家第一次見面 !
你地溝女既招數留返黎用o係第個女仔身上啦 !
我想一心一意對我男朋友 !
因為 , 只有佢先係真正錫我同關心我 !
[ 
