＊05/08/2009
今日 , 真係好唔開心 !
意料之外既事情既然發生佐 !
明明自己最有信心既科目都炒佐 !
真係好唔開心 !
唔開心唔係因為個分數 , 而係覺得我唔應該係呢個分數 !
同埋自己付出佐咁多時間同筆錢 , 仲有就係屋企人既心血 ... ... 既然咁樣樣 .
今日要多謝既人好多 , 要講既野亦都好多 , 但就係唔想多講 ... ...
多謝阿kit陪我返去 , 然後陪埋我食早餐 ... ... 多謝佢氹佐我咁耐 , 安慰佐我咁耐 !
亦都好多謝kenny , 多謝佢一大早打黎問我點樣 , 佢知道唔開心仲送佐件衫俾我 ,
今日就係你返工既最後一日啦 ! 雖然對佐你只不過係幾日 , 但我地朋友感情就漸漸增加 .
多謝nicko同埋佢細佬 , 佢地都講佐好多安慰我既說話 , CK好叻仔呀 , 拎佐27分 ! 一方面替你開心 , 但一方面就替自己難過 !
亦都好多謝細佬 , o係我喊既時候陪住我 , 安慰我 ... ... 佢話願意借個膊頭俾我 !
仲有就係姑媽 , 姑媽擔心我 , 打佐3個電話黎 , 但我冇勇氣接聽 !
對唔住 , 我知你打黎唔理個成績係點 , 你都會安慰我 ! 鼓勵我 ! 開解我 !
但好對唔住 , 我真係唔敢聽你電話 ... ...
仲有菜心 , 家駿 , 黃奶 , 境境 , 阿鋒 , 浩榮 , 阿楓 ... ... 好多好多 , 可以識到你地 , 我真係好開心 !
不過唔可以唔多謝既就係阿豪 , 佢知道我唔開心 , 放低晒所以之前d唔開心既事 , 打黎關心我 !
仲幫我諗埋黎緊既路要點行落去 ... ...
大家個心諗咩 , 大家都明 !
總之今日真係要多謝好多人 !
多謝之餘亦要思路下黎緊既棋要點行 !
kenny : 你依家跌倒咁又代表咩啫 ?! 你隻腳跌佐落個坑到 , 你咪努力d抆返隻腳返黎囉 .
但你依家越係唔開心就越踩得深 , 你咪會踩埋咋一隻腳落去 !
岩既 , 做人要向前望 !
ps1 . 岩岩細佬拎佐件cake落黎俾我食 ! 佢知我唔開心 ! 真係好多謝好多謝你呀 ! 真心多謝你 ! 人情味cake !
ps2 . 岩岩終於都聽佐姑媽個電話 ! 唉 ... ... 唯有用自己平伏佐落黎既心情 , 去講一d成熟既說話 , 目的係唔想令姑媽擔心 !
姑媽聽到我咁講之後 , 都放心佐 ! 鬆一口氣 ! 姑媽真係好好 , 佢一路安慰我 , 一路叫我唔好諗唔開 ! 佢冇問過我考幾多分 , 因為佢唔想令我唔開心 !
人生另一個轉捩點既開始 ... ... 努力捱過去 !
將來一定係美好既 !!!!!!!
[ 
